Mukesh Ambani: आशियातील सर्वात श्रीमंत उद्योगपती मुकेश अंबानी यांच्याशी संबंधित एक महत्त्वाची बातमी समोर आली आहे. त्यांनी आपले घर विकले आहे. जर तुम्ही विचार करत असाल की त्यांनी मुंबईतील घर अँटिलिया विकले आहे तर ते चुकीचे आहे. अँटिलिया नाही तर न्यूयॉर्क स्थित मॅनहॅटनमधील निवासी मालमत्ता विकली आहे.
न्यूयॉर्क पोस्टच्या रिपोर्टनुसार, मुकेश अंबानी यांनी त्यांचा लक्झरी फ्लॅट 74.53 कोटी रुपयांना म्हणजेच 9 मिलियन डॉलरला विकला आहे. मुकेश अंबानी आपल्या कुटुंबासह मुंबईतील अँटिलिया येथे राहतात, जे केवळ भारतातीलच नव्हे तर जगातील सर्वात महागड्या घरांपैकी एक आहे.
घराची खासियत काय आहे?
न्यूयॉर्क पोस्टच्या रिपोर्टनुसार, मुकेश अंबानींनी विकलेला फ्लॅट मॅनहॅटनमधील सुपीरियर नावाच्या इमारतीच्या चौथ्या मजल्यावर आहे. या इमारतीत एकूण 17 मजले आहेत. दोन बेडरूम्स व्यतिरिक्त, या फ्लॅटमध्ये तीन बाथरूम आणि शेफचे किचन देखील आहे.
याशिवाय या फ्लॅटची कमाल मर्यादा 10 फूट उंच आहे आणि फ्लोअरिंग हेरिंगबोन हार्डवुडचे आहे. मुकेश अंबानींच्या फ्लॅटच्या हिलरी स्वँक आणि मार्क जेकब्स सारख्या सेलिब्रिटींचा समावेश होता.
मुकेश अंबानी यांचे मुंबईतील घर अँटिलिया हे जगातील सर्वात महागड्या घरांमध्ये गणले जाते. एकूण 4,532 स्क्वेअर मीटरमध्ये पसरलेल्या या घरामध्ये एकूण 27 मजले आहेत. जगातील सर्व सुविधा या घरात आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
