Mutual Fund: डिसेंबर 2023 मध्ये भारताच्या म्युच्युअल फंड उद्योगाच्या व्यवस्थापनाखालील मालमत्ता (AUM) 50 लाख कोटी रुपयांच्या पुढे गेली आहे. एयूएम वाढण्याचे मुख्य कारण म्हणजे शेअर बाजारातील वाढ आणि फंडांच्या गुंतवणुकीत झालेली वाढ.
असोसिएशन ऑफ म्युच्युअल फंड ऑफ इंडिया (AMFI) च्या डेटानुसार, डिसेंबरमध्ये ओपन-एंडेड स्कीम्स अंतर्गत व्यवस्थापनाखालील एकूण मालमत्ता 50.80 लाख कोटी रुपये होती, तर नोव्हेंबर 2023 मध्ये हा आकडा 48.78 लाख कोटी रुपये होता.
गेल्या वर्षी शेअर बाजारातील प्रचंड वाढीचा परिणाम म्युच्युअल फंड उद्योगाच्या मालमत्तेवर दिसून येत आहे. डिसेंबर 2023मध्ये सेन्सेक्स 7.53 टक्क्यांनी वाढला, तर निफ्टी निर्देशांक 7.93 टक्क्यांनी वाढला. दरम्यान सिस्टिमॅटिक इन्व्हेस्टमेंट प्लॅन (SIP) मधील गुंतवणूक डिसेंबरमध्ये वाढून 17,160 कोटी झाली आहे, जी मागील महिन्यात 17,073 कोटी होती.
ओपन-एंडेड इक्विटी म्युच्युअल फंडातील निव्वळ प्रवाह नोव्हेंबरमध्ये 15,536 कोटींच्या तुलनेत डिसेंबरमध्ये 9 टक्क्यांनी वाढून 16,997 कोटींवर पोहोचला आहे. याच महिन्यात स्मॉलकॅप फंडांमध्ये निव्वळ गुंतवणूक 3,858 कोटी रुपये होती, तर मिडकॅप फंडांमध्ये ती 48 टक्के कमी झाली आहे.
नोव्हेंबरमध्ये स्मॉलकॅप फंडांमध्ये निव्वळ ओघ 3,699 कोटी होता, तर मिडकॅप फंडांमध्ये निव्वळ ओघ 2,666 कोटी होता. संबंधित कालावधीत लार्जकॅप फंडांमध्ये निव्वळ गुंतवणूक 307 कोटी होती. इक्विटी-आधारित म्युच्युअल फंडांमधील प्रवाह नोव्हेंबरमध्ये 22 टक्के कमी झाला. डिसेंबरमध्ये डेट फंडातील निव्वळ गुंतवणूक 1,505 कोटी रुपये होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
