New Rules Credit Card: अवघ्या काही दिवसांत नवीन आर्थिक वर्ष 2024-25 सुरू होणार आहे आणि त्यासोबतच काही सेवांमध्येही बदल होत आहेत. यामध्ये एसबीआय, येस बँक, आयसीआयसीआय बँक आणि ॲक्सिस बँक यासह इतर बँका त्यांची पॉलिसी अपडेट करणार आहेत. हे अपडेट क्रेडिट कार्डशी संबंधित रिवॉर्ड पॉइंट्स आणि लाउंज ऍक्सेस बाबत असणार आहे.
SBI कार्डने रिवॉर्ड पॉइंट मिळवण्यासाठी आपली पॉलिसी अपडेट केली आहे. कर्जदारांद्वारे ऑफर केलेल्या क्रेडिट कार्डांच्या श्रेणीसाठी भाड्या साठीच्या पेमेंटवर रिवॉर्ड पॉइंट्स नवीन आर्थिक वर्षाच्या पहिल्यापासून थांबतील. या कार्डांमध्ये AURUM, SBI Card Elite, SimplyClick SBI कार्ड यांचा समावेश आहे.
ICICI बँकेने विमानतळावरील लाउंज ऍक्सेससाठी पॉलिसी अपडेट केली आहे. 1 एप्रिलपासून सुरू होणाऱ्या तिमाहीत ग्राहकांना किमान 35,000 रुपये खर्च करावे लागतील. यानंतरच पुढील तिमाहीसाठी विमानतळावरील लाउंजचा मोफत प्रवेश अनलॉक केला जाईल.
कोरल क्रेडिट कार्ड आणि MakeMyTrip ICICI बँक प्लॅटिनम क्रेडिट कार्डसह विविध ICICI बँक क्रेडिट कार्डांवर हा बदल लागू होईल.
ICICI बँकेप्रमाणे, येस बँकेनेही नवीन आर्थिक वर्षापासून त्यांच्या घरगुती लाउंज ऍक्सेस लाभांच्या धोरणांमध्ये बदल केले आहेत. बँकेकडून माहिती देण्यात आली आहे की पुढील तिमाहीत लाउंजमध्ये प्रवेश मिळविण्यासाठी, सर्व ग्राहकांना चालू तिमाहीत किमान 10,000 रुपये खर्च करावे लागतील. पॉलिसीमध्ये हा बदल सर्व क्रेडिट कार्डसाठी झाला आहे.
इतर बँकांप्रमाणेच, ॲक्सिस बँकेनेही त्यांच्या मॅग्नस क्रेडिट कार्डमध्ये पुढील महिन्यात 20 एप्रिलपासून बदलांची घोषणा केली आहे. या बदलांमध्ये रिवॉर्ड, लाउंज ऍक्सेस प्रोग्राम आणि वार्षिक शुल्कामध्ये सवलत न देणे या गोष्टींचा समावेश आहे.
यासह, विमा, सोने आणि इंधन श्रेणींवर खर्च करण्यावर यापुढे रिवॉर्ड पॉइंट्स मिळणार नाहीत. एवढेच नाही तर बँक देशांतर्गत विमानतळांच्या लाउंज ऍक्सेसमध्येही बदल करणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
