UPI Alert: यूपीआय युजर्ससाठी नवीन संकट! काही मिनिटांत बँक खाती होत आहेत रिकामी, काय आहे नवा स्कॅम?

UPI Scam Alert: गेल्या काही वर्षांत भारतात डिजिटल व्यवहारांची संख्या झपाट्याने वाढली आहे. 2016 मध्ये UPI सुरू झाल्यापासून, तो पेमेंटचा सर्वात लोकप्रिय पर्याय बनला आहे. आजकाल लोक कॅश आणि कार्डद्वारे पेमेंट करण्याऐवजी UPI द्वारे पेमेंट करण्यास प्राधान्य देत आहेत.

अशा परिस्थितीत, वाढत्या UPI पेमेंटमुळे फसवणुकीच्या घटनांमध्येही वाढ झाली आहे. फसवणूक करणारे दररोज नवनवीन मार्गाने लोकांची फसवणूक करण्याचा प्रयत्न करतात. अलीकडच्या काळात ऑटोपेच्या माध्यमातून फसवणुकीच्या अनेक घटना समोर आल्या आहेत.

UPI ऑटो पे स्कॅम काय आहे?

ऑटो पे स्कॅमद्वारे यूपीआय युजरची ऑटो पे द्वारे फसवणूक केली जाते. उदाहरणार्थ, तुम्ही Netflix किंवा Disney च्या सब्सक्रिप्शनसाठी रिक्वेस्ट पाठवली असेल तर फसवणूक करणारे याचा फायदा घेतात आणि तुम्हाला सबस्क्रिप्शनसाठी ऑटो पेची विनंती पाठवतात.

यामध्ये युजरला पाठवलेली रिक्वेस्ट बरोबर असू शकते पण ज्याने ती पाठवली ती चुकीची असू शकते. अशा परिस्थितीत, युजरला वाटते की ही रिक्वेस्ट कंपनीकडून आली आहे आणि तो ती स्वीकारतो. यानंतर, युजरच्या खात्यातून पैसे कापले जातात आणि ते फसवणूक करणाऱ्याच्या खात्यात पोहोचतात.

लक्षात ठेवा की या प्रकारची फसवणूक टाळण्यासाठी, खऱ्या आणि बनावट रिक्वेस्टमधील फरक समजून घेणे फार महत्वाचे आहे. याद्वारे तुम्ही अशा फसवणुकीच्या घटनांपासून स्वतःला वाचवू शकता.

आजच्या काळात, लोक ई-शॉपिंग, रेस्टॉरंट्स, मॉल्स, पार्किंग इत्यादींसाठी सहजपणे त्यांचे मोबाइल नंबर देतात. अशा परिस्थितीत असे घोटाळेबाज त्याचा गैरफायदा घेतात. लोकांचा UPI आयडी क्रॅक करून ते फसवणूक करतात.

फसवणुकीपासून असे करा स्वतःचे रक्षण

फसवणुकीपासून स्वतःचे संरक्षण करण्यासाठी, तुम्ही तुमचा UPI आयडी थेट तुमच्या बँक खात्याशी लिंक करणे टाळावे. त्याऐवजी, तुमच्या वॉलेटमध्ये पैसे ठेवण्याचा प्रयत्न करा आणि त्यातूनच पेमेंट करण्याचा प्रयत्न करा.

यामुळे तुमच्या बँक खात्यात पैसे सुरक्षित राहतील आणि वॉलेटद्वारे तुमचे पेमेंटचे काम सुरू राहील. यासह, कोणतीही ऑटो पे विनंती स्वीकारण्यापूर्वी ती तपासा.