Online Gaming Industry: वस्तू आणि सेवा कर (GST) कौन्सिलच्या ऑनलाइन गेमिंग उद्योगावर 28% कर लादण्याच्या निर्णयामुळे ऑनलाइन गेमिंगमधील गुंतवणूकदारांना 2.5 बिलियन डॉलरचे नुकसान होईल.
भारत आणि परदेशातील 30 गुंतवणूकदारांच्या ग्रुपने पंतप्रधान नरेंद्र मोदी यांना लिहिलेल्या पत्रात ही माहिती दिली आहे.
पीक XV कॅपिटल, टायगर ग्लोबल, डीएसटी ग्लोबल, बेनेट, कोलमन अँड कंपनी लिमिटेड, अल्फा वेव्ह ग्लोबल, क्रिस कॅपिटल, लुमिकाई या प्रमुख गुंतवणूकदारांनी 21 जुलै रोजी लिहिलेल्या पत्रात GST परिषदेच्या निर्णयावर पंतप्रधानांच्या हस्तक्षेपाची मागणी केली आहे.
पत्रात असेही म्हटले आहे की ऑनलाइन गेमिंगमधील गुंतवणूक पुढील 3-4 वर्षांत 4 अब्ज अमेरिकन डॉलर्स पर्यंत पोहोचण्याची अपेक्षा आहे, परंतु त्यावर 28% GST लादल्याने व्यवसायावर वाईट परिणाम होईल.
त्यात म्हटले आहे की, संपूर्ण जगाच्या तुलनेत, सध्याचा GST प्रस्ताव गेमिंग क्षेत्रासाठी सर्वात कठोर कर प्रस्ताव आहे, या क्षेत्रात गुंतवलेले 2.5 अब्ज अमेरिकन डॉलर्सचे भांडवल बुडवण्याचा धोका आहे.
जीएसटी कौन्सिलच्या निर्णयामुळे व्यवसायाला धक्का बसल्याचे गुंतवणूकदारांनी सांगितले. यामुळे भारतीय टेक इकोसिस्टम किंवा इतर कोणत्याही उदयोन्मुख क्षेत्रावरील विश्वास बर्‍याच प्रमाणात कमी होईल.
पुढील 3-4 वर्षांत किमान चार अब्ज अमेरिकन डॉलर्सच्या संभाव्य गुंतवणुकीवर याचा विपरित परिणाम होईल, असे पत्रात म्हटले आहे.
गुंतवणुकदारांनी सांगितले की जर 'संपूर्ण भागभांडवल रकमेवर' GST लावला गेला तर GST भार 1,100% वाढेल. याशिवाय, विजेत्या खेळाडूवर कर आकारणीमुळे, त्याच रकमेवर वारंवार कर आकारला जाईल, ज्यामुळे प्रत्येक रुपयाच्या 50-70% पेक्षा जास्त रक्कम जीएसटीमध्ये जाण्याची शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
