सरकार स्थापन होताच PM मोदी ॲक्शन मोडमध्ये येणार! IDBI बँकेसह 'या' कंपनीतील हिस्सेदारी विकणार

PSU Stake Sale: नव्याने निवडून आलेल्या सरकारच्या पहिल्या 100 दिवसांच्या अजेंड्यावर काय असेल यावर चर्चा सुरू झाली आहे. एक्झिट पोलवर विश्वास ठेवला तर पुन्हा पंतप्रधान नरेंद्र मोदी यांचे सरकार स्थापन होण्याची शक्यता आहे. नवीन सरकार आपल्या कार्यकाळाच्या पहिल्या 100 दिवसांत निर्गुंतवणुकीवर भर देऊ शकते. आयडीबीआय बँक आणि शिपिंग कॉर्पोरेशन ऑफ इंडिया या यादीत सर्वात वर आहेत.

सीएनबीसीने एका अहवालात सूत्रांच्या हवाल्याने म्हटले आहे की, नवीन सरकार आपल्या कार्यकाळाच्या पहिल्या 100 दिवसांत निर्गुंतवणुकीवर लक्ष केंद्रित करू शकते. आयडीबीआय बँक आणि शिपिंग कॉर्पोरेशन ऑफ इंडिया (एससीआय) या वेळी या यादीत पहिल्या क्रमांकावर आहेत. शिपिंग कॉर्पोरेशन ऑफ इंडियामध्ये सरकारचा 63.75% हिस्सा आहे. ते विकण्याचा सरकारचा विचार असू शकतो. सूत्रांनी सांगितले की एससीआयसाठी सुरुवातीला निविदा मागवल्या जाण्याची शक्यता आहे.

काही काळापासून चर्चेत असलेल्या आयडीबीआय बँकेच्या निर्गुंतवणुकीची प्रक्रिया वेगवान होणार असल्याचे सूत्रांनी सांगितले. अहवालानुसार ज्यांनी बँक ताब्यात घेण्यास स्वारस्य दाखवले होते त्यांच्या नावावर आरबीआय विचार करत आहे. RBI द्वारे योग्य कंपनीची छाननी केल्यानंतर, गुंतवणूक आणि सार्वजनिक मालमत्ता व्यवस्थापन विभाग (DIPAM) त्यावर अंतिम मान्यता देईल. सध्या सरकारकडे IDBI बँकेत 49.24% आणि LIC ची 45.48% हिस्सेदारी आहे.

कंपन्यांच्या शेअर्सची स्थिती

आज सोमवारी, इंट्राडे, IDBI बँकेचे शेअर्स 8.3 % वाढून 92.75 रुपयांवर व्यवहार करत होते, तर शिपिंग कॉर्पोरेशन ऑफ इंडियाचे शेअर्स 6.5 % वाढून 261.80  रुपयांवर व्यवहार करत होते.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.