Railway Board DA Hike: रेल्वे बोर्डाने कर्मचाऱ्यांचा महागाई भत्ता मूळ वेतनाच्या 42 टक्क्यांवरून 46 टक्के केला आहे. कर्मचार्‍यांना जुलै 2023 पासून थकबाकीसह वाढीव महागाई भत्ता मिळेल. दिवाळीपूर्वी रेल्वे कर्मचारी संघटनांनी या घोषणेचे स्वागत केले आहे.
11 लाखांहून अधिक कर्मचाऱ्यांना होणार फायदा
रेल्वे ट्रॅक मेंटनर, लोको पायलट, गार्ड, स्टेशन मास्टर, पर्यवेक्षक, तंत्रज्ञ, मदतनीस इत्यादींसह रेल्वेचे विविध विभाग आणि मंत्रालयातील सर्व 11,07,346 अराजपत्रित कर्मचाऱ्यांना बोनसचा लाभ मिळणार आहे. केंद्र सरकारने सुमारे 15,000 कोटी रुपयांचा बोनस मंजूर केल्यानंतर 5 दिवसांनी रेल्वे बोर्डाने ही माहिती दिली आहे.
रेल्वे कर्मचारी संघटनांनी या निर्णयाचे स्वागत केले
दिवाळीपूर्वी केलेल्या या घोषणेचे रेल्वे कर्मचारी संघटनांनी स्वागत केले आहे. ऑल इंडिया रेल्वेमेन्स फेडरेशनचे सरचिटणीस शिव गोपाल मिश्रा म्हणाले की, डीए हा कर्मचाऱ्यांचा हक्क आहे, तो जुलैपासून मिळणार होता. मात्र, दिवाळीपूर्वी पैसे देण्याची घोषणा करण्याच्या निर्णयाचे आम्ही स्वागत करतो.
नॅशनल फेडरेशन ऑफ इंडियन रेल्वेमेनचे सरचिटणीस एम राघवैय्या यांनी सांगितले की, DA ग्राहक किंमत निर्देशांक (CPI) च्या आधारावर दिला जातो. ते म्हणाले, रेल्वे बोर्डाने वेळेवर याची घोषणा केली ही चांगली गोष्ट आहे. जानेवारी 2020 ते जून 2021 पर्यंत डीए भरण्याच्या आमच्या मागणीवर आम्ही आग्रही आहोत, जे कोविड-19 मुळे सरकारने थांबवले होते.
दिवाळी बोनसही केला जाहीर
डीए वाढवण्याच्या रेल्वे बोर्डाच्या निर्णयापूर्वी केंद्र सरकारने केंद्रीय कर्मचाऱ्यांना दिवाळी बोनसची भेट दिली होती. केंद्र सरकारने गट क अधिकाऱ्यांसाठी दिवाळी बोनस जाहीर केला होता. केंद्र सरकारने या बोनसची कमाल मर्यादा 7,000 रुपये निश्चित केली आहे. या बोनससाठी 15,000 कोटी रुपये मंत्रिमंडळाने मंजूर केले आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
