RBI Penalty: रिझर्व्ह बँकेची मोठी कारवाई, 'या' चार बँकांना ठोठावला दंड, ग्राहकांवर काय होणार परिणाम?

RBI Latest News: भारतीय रिझर्व्ह बँकेने चार बँकांना आर्थिक दंड ठोठावला आहे. या चार सहकारी बँका आहेत, ज्यामध्ये एक बिहारमधील आहे आणि उर्वरित तीन महाराष्ट्रातील आहेत. नियमांचे उल्लंघन केल्याप्रकरणी हा दंड ठोठावण्यात आला आहे.

नियमांकडे दुर्लक्ष केल्यामुळे या बँकांना लाखो रुपयांचा दंड ठोठावण्यात आल्याचे रिझर्व्ह बँकेने म्हटले आहे. तुमचेही या बँकांमध्ये खाते आहे का? जर असेल तर तुमच्यावर काय परिणाम होईल?

आरबीआयने 'या' चार बँकांना ठोठावला दंड

रिझर्व्ह बँक ऑफ इंडियाने माहिती दिली की ज्या सहकारी बँकांना दंड ठोठावण्यात आला आहे त्यामध्ये तपिंडू अर्बन को-ऑपरेटिव्ह बँक लिमिटेड, इस्लामपूर अर्बन को-ऑपरेटिव्ह बँक लिमिटेड, महाबळेश्वर अर्बन को-ऑपरेटिव्ह बँक लिमिटेड आणि मंगल को-ऑपरेटिव्ह बँक लिमिटेड यांचा समावेश आहे.

बिहारच्या बँकेवर किती दंड?

सेंट्रल बँकेने पाटणाच्या सहकारी बँक तपिंडू अर्बन को-ऑपरेटिव्ह बँक लिमिटेडला एक लाख रुपयांचा आर्थिक दंड ठोठावला आहे. RBI ने जारी केलेल्या निर्देशांचे पालन न केल्याबद्दल पाटणा बँकेवर हा दंड ठोठावण्यात आला आहे.

'या' बँकेवर सर्वाधिक दंड

इस्लामपूर अर्बन को-ऑपरेटिव्ह बँक लिमिटेड, महाराष्ट्र बँकेला सर्वाधिक 2 लाख रुपयांचा दंड ठोठावण्यात आला आहे.

बँकिंग नियमन कायदा, 1949 च्या काही तरतुदी आणि 'रिझर्व्ह बँक ऑफ इंडिया केवायसी मार्गदर्शक तत्त्वे, 2016' च्या काही तरतुदींचे पालन न केल्याबद्दल हा दंड ठोठावण्यात आला आहे. बँकेने ठेवी खात्याच्या नियमांचे उल्लंघन केले होते. याशिवाय बँकेने निष्क्रिय खात्यांचा आढावाही घेतला नव्हता.

त्याचप्रमाणे भारतीय रिझर्व्ह बँकेने महाबळेश्वर अर्बन को-ऑपरेटिव्ह बँक लि., महाराष्ट्र यांना बँकिंग नियमन कायदा, 1949 (बीआर कायदा), सुपरवायझरी अॅक्शन फ्रेमवर्क (एसएएफ), अंतर्गत निर्देशांचे उल्लंघन केल्याबद्दल रु. 2 लाख दंड ठोठावला आहे. सहकारी बँक लि., मुंबईला एक लाख रुपयांचा दंड ठोठावण्यात आला आहे.

ग्राहकांवर काय परिणाम होईल?

रिझर्व्ह बँकेच्या या दंडाचा ग्राहकांवर कोणताही परिणाम होणार नसून, ग्राहकांच्या खात्याची सुरक्षा आणि नियमांकडे दुर्लक्ष केल्यामुळे हा दंड ठोठावण्यात आला आहे. हा दंड बँकेलाच भरावा लागेल, जो ती कोणत्याही ग्राहकाकडून वसूल करू शकत नाही.