RBI MPC Meeting Updates: रिझर्व्ह बँक ऑफ इंडियाच्या चलनविषयक धोरण समितीची (MPC) तीन दिवसीय बैठक बुधवारी सुरू झाली. RBI ने मागील चार पतधोरण आढाव्यात रेपो दरात कोणताही बदल केलेला नाही. फेब्रुवारीमध्ये रेपो रेट 6.5 टक्के करण्यात आला होता. RBI गव्हर्नर शक्तीकांत दास यांनी आज 8 डिसेंबर रोजी सहा सदस्यीय MPC चा निर्णय जाहीर केला आहे. आज शक्तीकांत दास यांनी रेपो रेटमध्ये बदल केलेला नाही.
RBI गव्हर्नरने सलग पाचव्यांदा व्याजदरात कोणताही बदल केला नाही. याचा अर्थ RBI सामान्य लोकांना गृह आणि कार कर्ज EMI वर दिलासा मिळाला आहे. यामुळे रिअल इस्टेट क्षेत्राला चालना मिळेल.
सध्याचे व्याजदर काय आहेत?
आता रेपो दर पुन्हा 6.5 % वर कायम आहे. यासह, रिव्हर्स रेपो दर 3.35% आहे. आज व्याजदरात कोणताही बदल झाला नाही. आरबीआय गव्हर्नर म्हणाले की 2023 हे वर्ष इतिहासातील सर्वात अस्थिर वर्ष म्हणून ओळखले जाईल. ते म्हणाले की, भारतीय अर्थव्यवस्थेचे आरोग्य मजबूत आहे. आर्थिक डेटासह, कॉर्पोरेट क्षेत्र देखील चांगले आहे.
आरबीआय गव्हर्नर म्हणाले की, महागाई दरात नरमाई आली आहे. चलनविषयक धोरणाच्या निर्णयांचा परिणाम मूळ महागाई दरावर दिसून आला आहे. मात्र, नोव्हेंबर महिन्यात महागाईत काही प्रमाणात वाढ झाली असून त्यावर आरबीआय लक्ष ठेवून असल्याचेही त्यांनी सांगितले.
रेपो दर आणि महागाईचा संबंध
रेपो दर म्हणजे रिझर्व्ह बँक इतर बँकांना ज्या दराने कर्ज देते. त्यामुळे रेपो रेट वाढला की बँकांना रिझर्व्ह बँकेकडून महागड्या दराने कर्ज मिळते. त्यामुळे सर्वसामान्यांना मिळणारे कर्जही महाग होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
