RBI Monetary Policy: सलग तीन दिवस चाललेल्या रिझर्व्ह बँकेच्या (RBI) पतधोरण बैठकीत अनेक मोठे निर्णय घेण्यात आले. यापैकी एक युनिफाइड पेमेंट इंटरफेसशी (UPI) संबंधित निर्णय घेण्यात आला आहे.
RBI गव्हर्नर शक्तीकांत दास यांनी 8 ऑगस्ट रोजी घोषणा केली की UPI द्वारे कर भरण्याची मर्यादा वाढवण्यात आली आहे. यापूर्वी, UPI द्वारे फक्त 1 लाख रुपयांपर्यंतचा कर भरता येत होता, परंतु आता तुम्ही UPI द्वारे 5 लाख रुपयांपर्यंतचा कर भरू शकता. ही मर्यादा प्रति व्यवहार आहे.
केंद्रीय बँकेने म्हटले आहे की प्रायमरी युजर एका मर्यादेपर्यंत कोणत्याही दुय्यम युजरला UPI व्यवहार करू शकतो. यासाठी सेकेंडरी युजरला वेगळ्या बँक खात्याची आवश्यकता नाही.
नॅशनल पेमेंट्स कॉर्पोरेशन ऑफ इंडिया ही पेमेंट सिस्टमवर देखरेख ठेवणारी संस्था आहे. देशात UPI पेमेंटचा ट्रेंड झपाट्याने वाढत आहे. सध्या, छोट्या विक्रेत्यांपासून ते मोठ्या मॉल्समधील शॉपिंग आऊटलेट्सपर्यंत जवळपास सर्वच व्यापारी UPI पेमेंट स्वीकारतात.
आरबीआयच्या या घोषणेचा करदात्यांना मोठा फायदा होणार आहे. तज्ज्ञांचे म्हणणे आहे की पेमेंटसाठी यूपीआय वापरण्याकडे लोकांचा कल वाढला आहे. हे लक्षात घेऊन मध्यवर्ती बँकेने कर भरण्यासाठी UPI ची मर्यादा वाढवली आहे. तज्ज्ञांचे म्हणणे आहे की UPI द्वारे पेमेंट करण्यावर कोणतेही अतिरिक्त शुल्क नाही. त्यामुळे पेमेंटसाठी UPI वापरणे स्वस्त आहे.
UPI च्या विपरीत, डेबिट कार्ड किंवा क्रेडिट कार्डद्वारे कर भरण्यासाठी अतिरिक्त शुल्क आकारले जाते. मध्यवर्ती बँक UPI पेमेंट आकर्षक करण्यासाठी सतत प्रयत्न करत असते.
गेल्या वर्षी डिसेंबरमध्ये केंद्रीय बँकेने विशिष्ट प्रकारच्या पेमेंटसाठी UPI मर्यादा वाढवली होती. गेल्या वर्षी डिसेंबरमध्ये केंद्रीय बँकेने विशिष्ट प्रकारच्या पेमेंटसाठी UPI मर्यादा वाढवली होती. यामध्ये रुग्णालये आणि शैक्षणिक संस्थांचा समावेश होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
