Robert Kiyosaki Advice: अलीकडे जगभरातील शेअर बाजार आणि रिअल इस्टेट क्षेत्रात प्रचंड गोंधळ उडाला आहे. चीनमधील रिअल इस्टेटचे संकट हे त्याचे उदाहरण आहे. अशा परिस्थितीत आर्थिक सुरक्षिततेसाठी काय केलं पाहिजे? आता बँकेत पैसे ठेवणे सुरक्षित आणि फायदेशीर असेल का?
प्रसिद्ध लेखक रॉबर्ट टी. कियोसाकी यांनी त्यांच्या नवीन सोशल मीडिया पोस्टमध्ये या धोक्याबद्दल चेतावणी दिली आणि सोने, चांदी आणि बिटकॉइनमध्ये गुंतवणूक करण्याचा सल्ला दिला आहे.
कियोसाकीने सोशल मीडियावर लिहिले की, भांडवली बाजारात घसरण दिसायला लागली आहे आणि स्टॉक, बाँड आणि रिअल इस्टेट मार्केटमध्ये घसरण होण्याचे हे लक्षण आहे. त्यांनी आपल्या पोस्टमध्ये बँकांबाबत इशाराही दिला आहे.
त्यांच्या मते, बँकांवरील संकट अनेकदा अदृश्य असते आणि त्यांची बँक कधी दिवाळखोर होते हे लोकांना कळत नाही. यूएस मध्ये, 250,000 डॉलर पर्यंतची बचत FDIC विम्याद्वारे संरक्षित केली जाते, परंतु असे असूनही, कियोसाकीने जोखीम टाळण्यासाठी सोने, चांदी आणि बिटकॉइनमध्ये गुंतवणूक करण्याचे सुचवले.
कियोसाकी यांनी सांगितले की, एखाद्या व्यक्तीने बँकांमधून आपली बचत काढून सोने, चांदी आणि बिटकॉइनमध्ये गुंतवणूक करावी. कियोसाकीने सोने, चांदी आणि बिटकॉइनमध्ये गुंतवणूक करण्याचा सल्ला देण्याची ही पहिलीच वेळ नाही.
ते चांदीबद्दल विशेष उत्साही आहेत. यापूर्वीही त्यांनी चांदीमध्ये गुंतवणूक करण्याचा सल्ला दिला होता आणि भविष्यात त्याची किंमत वाढण्याची शक्यता वर्तवली होती.
गेल्या वर्षी त्याने म्हटले होते की चांदीची किंमत 20 डॉलरवर स्थिर राहू शकते आणि भविष्यात 100 डॉलर ते 500 डॉलरपर्यंत पोहोचू शकते. सोन्या-चांदीच्या किमती अलीकडच्या काळात वाढल्या आहेत, हे गुंतवणूकदारांसाठी चांगले लक्षण आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
