Amrit Kalash Scheme: देशातील सर्वात मोठी सार्वजनिक बँक स्टेट बँक ऑफ इंडिया (SBI) ने त्यांची विशेष FD योजना 'अमृत कलश स्कीम' मधील गुंतवणुकीची अंतिम मुदत पुन्हा एकदा वाढवली आहे.
बँकेच्या अधिकृत वेबसाइटवर दिलेल्या माहितीनुसार, ही 400 दिवसांची विशेष एफडी योजना आहे, ज्यामध्ये सामान्य लोकांना 7.10 टक्के आणि ज्येष्ठ नागरिकांना गुंतवणुकीवर 7.60 टक्के व्याज मिळत आहे.
तुम्ही किती काळ गुंतवणूक करू शकाल?
स्टेट बँक ऑफ इंडियाने सुरू केलेल्या विशेष FD योजनेची म्हणजेच SBI अमृत कलश योजनेची अंतिम मुदत 15 ऑगस्ट 2023 रोजी संपली होती, जी बँकेने आता वाढवण्याचा निर्णय घेतला आहे.
आता ग्राहक या विशेष योजनेत 31 डिसेंबर 2023 पर्यंत गुंतवणूक करू शकतील. बँकेच्या वेबसाइटवर दिलेल्या माहितीनुसार, 400 दिवसांच्या या एफडी योजनेवर सर्वाधिक 7.60 टक्के व्याजदर मिळत आहे. बँकेने हे नवीन दर 12 एप्रिल 2023 पासून लागू केले आहेत.
अमृत कलश योजनेत गुंतवणूक करण्याचा फायदा
SBI अमृत कलश योजनेअंतर्गत, ग्राहकांना मुदतपूर्तीवर व्याजाचे पैसे मिळतात. टीडीएसची रक्कम कापल्यानंतर बँक व्याजाची रक्कम एफडी खात्यातच हस्तांतरित करते.
जर तुम्हाला या योजनेअंतर्गत 400 दिवसांपूर्वी ठेव काढायची असेल, तर तुम्ही 0.50 टक्के ते 1 टक्के दंड भरून ती काढू शकता. या योजनेत गुंतवणूक करण्याचा आणखी एक फायदा म्हणजे तुम्हाला ठेव रकमेच्या बदल्यात कर्जाची सुविधा देखील मिळते.
SBI च्या इतर कालावधीच्या FD वर किती व्याज मिळते?
बँकेच्या वेबसाइटवर दिलेल्या माहितीनुसार, बँक 7 दिवसांपासून 45 दिवसांच्या एफडीवर 3% व्याज आहे.
ज्यामध्ये 46 ते 179 दिवस FD 4.5 टक्के, 180 ते 210 दिवस FD 5.25 टक्के, 211 दिवस ते 1 वर्ष FD 5.75 टक्के, 1 ते 2 वर्ष FD 6.8 टक्के, 2 ते 3 वर्ष FD 7 टक्के, 3 ते 5 च्या FD वर 6.5 टक्के वर्षे आणि 5 ते 10 वर्षांच्या FD वर 6.5 टक्के. त्याचबरोबर ज्येष्ठ नागरिकांना 0.50 टक्के जास्त व्याजदराचा लाभ मिळतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
