Social Security: SBI ने करोडो ग्राहकांसाठी सुरू केली नवी सेवा, फक्त आधार कार्डने होणार...

Social Security Schemes: स्टेट बँक ऑफ इंडियाने (SBI) ग्राहकांसाठी एक नवीन सुविधा सुरू केली आहे. बँकेचे ग्राहक त्यांचा आधार कार्ड क्रमांक वापरून विविध सामाजिक सुरक्षा योजनांसाठी नावनोंदणी करू शकतात. बँकेने 25 ऑगस्ट रोजी जारी केलेल्या प्रेस नोटमध्ये याबाबतची माहिती देण्यात आली आहे. SBI ग्राहकांना सामाजिक सुरक्षा योजनांमध्ये नोंदणीसाठी पासबुकची गरज नाही.

नोंदणीसाठी आधार कार्ड आवश्यक

आता SBI च्या ग्राहक सेवा केंद्रांना (CSP) भेट देणाऱ्या ग्राहकांना सामाजिक सुरक्षा योजनांमध्ये नोंदणीसाठी आधार कार्ड आवश्यक असेल. त्यामुळे हे काम पूर्वीपेक्षा अधिक सोयीचे होणार आहे.

सामाजिक सुरक्षा योजना

• प्रधानमंत्री जीवन ज्योती विमा योजना (PMJJBY)

• प्रधानमंत्री सुरक्षा विमा योजना (PMSBY)

• अटल पेन्शन योजना (APY)

या संदर्भात एसबीआयचे अध्यक्ष दिनेश खारा म्हणाले की, आर्थिक सुरक्षिततेच्या योजनांमधील कोणत्याही प्रकारचा अडथळा दूर करणे हे आमचे उद्दिष्ट आहे. यानंतर, सामाजिक सुरक्षा योजनांची व्याप्ती लक्षणीयरीत्या वाढण्याची अपेक्षा आहे.

सामाजिक सुरक्षा योजनांचे फायदे

प्रधानमंत्री जीवन ज्योती विमा योजना (PMJJBY) ही एक वर्षाची जीवन विमा योजना आहे जी कोणत्याही कारणामुळे मृत्यूपासून संरक्षण देते. 2 लाख रुपयांचे आयुर्विमा संरक्षण केवळ 436 रुपये प्रतिवर्ष प्रीमियमवर उपलब्ध आहे.

त्याच वेळी, प्रधानमंत्री सुरक्षा विमा योजना (PMSBY) ही एक वर्षाची अपघात विमा योजना आहे जी अपघातामुळे मृत्यू किंवा अपंगत्वासाठी संरक्षण देते. अटल पेन्शन योजना (APY) अंतर्गत, लाभार्थ्याला वयाच्या 60 वर्षांनंतर किमान एक हजार ते पाच हजार मासिक पेन्शन मिळते.