![Services sector growth slows in February job placement HSBC India services survey](http://media.assettype.com/esakal%2F2024-03%2Fba117eb7-b713-4aa8-a589-0270c5e3e9d8%2Frushi___2024_03_06T080514_995.jpg?w=480&auto=format%2Ccompress&fit=max)
नवी दिल्ली : व्यवसायिक उलाढाली आणि नोकऱ्यांमधील वाढीचे प्रमाण कमी असल्याने फेब्रुवारीमध्ये देशातील सेवा क्षेत्राची वाढ मंदावल्याचे मासिक सर्वेक्षणात आढळून आले आहे. एचएसबीसी इंडिया सर्व्हिसेसने या सर्वेक्षणाचा अहवाल आज जाहीर केला.
एचएसबीसी इंडिया सर्व्हिसेस बिझनेस ॲक्टिव्हिटी इंडेक्सनुसार, फेब्रुवारीमधील सेवाक्षेत्राचा निर्देशांक ६०.६ नोंदवला. जानेवारीमध्ये तो ६१.८ होता. भारतातील सेवाक्षेत्राच्या पर्चेस मॅनेजर इंडेक्सवरून (पीएमआय) सेवा क्षेत्रातील वाढीचा वेग जानेवारीच्या तुलनेत फेब्रुवारीमध्ये कमी झाला आहे, असे एचएसबीसी इंडिया सर्व्हिसेसचे अर्थशास्त्रज्ञ इनेस लॅम म्हणाले.
या सर्वेक्षणानुसार, व्यवसायिक उलाढाली कमी झाल्या मात्र, ऐतिहासिकदृष्ट्या त्यातील वाढ उत्तम होती. भारतातील सेवा कंपन्यांसह परदेशातील नवा व्यवसाय सलग तेराव्या महिन्यात वाढला. या सर्वेक्षणात सहभागी झालेल्यांनी ऑस्ट्रेलिया, आशिया, युरोप, अमेरिका आणि ‘यूएईम’धील नफ्याचा अहवाल दिला.
फेब्रुवारीमध्ये वर्षभराच्या पुढील दृष्टिकोनाबाबत व्यावसायिक आत्मविश्वास कमकुवत झाला. तरीही, जवळपास २६ टक्के कंपन्यांना वाढीचा अंदाज आहे आणि केवळ दोन टक्के कंपन्यांनी घसरणीचा अंदाज व्यक्त केला आहे.
‘‘नव्या ऑर्डर आणि आउटपुटमधील वाढीतील मंदीमुळे, सेवा कंपन्यांचा भविष्यातील व्यावसायिक उलाढालींबाबतचा दृष्टिकोन किंचित कमकुवत झाला. सेवांसाठी आकारण्यात आलेल्या किमती २४ महिन्यांतील सर्वांत कमी दराने वाढल्या कारण महागाई कमी झाली. रोजगाराच्या आघाडीवर, कंपन्यांनी नोकऱ्या निर्माण केल्या. परंतु, क्षमतेवरील दबाव कमी करणे आणि दृष्टीकोनातील कमी आत्मविश्वास यामुळे रोजगारातील वाढ कमी झाली,’’ असेही लॅम म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.