Tata Group: टाटा समूहाच्या टाटा कंझ्युमरने कॅपिटल फूड खरेदी करण्यासाठी करार केला आहे. करार पूर्ण झाल्यावर कॅपिटल फूडची मालकी टाटा कंपनीकडे जाईल. कॅपिटल फूडच्या प्रसिद्ध ब्रँडमध्ये चिंग्स सीक्रेट भारतातील एकमेव स्वदेशी चायनीज फूड ब्रँड आणि स्मिथ अँड जोन्स यांचा समावेश आहे.
या सोबतच टाटा समूह फॅब इंडिया कंपनी देखील खरेदी करणार आहे. यासाठी कंपनीने दोन्ही कंपन्यांशी करार केला आहे. हा करार पूर्ण झाल्यानंतर या दोन्ही कंपन्या टाटा समूहाचा भाग बनतील.
टाटा समूह या दोन्ही कंपन्यांना 7000 कोटी रुपयांना खरेदी करणार आहे. हा करार लवकरच पूर्ण होऊ शकतो, असे टाटा कंझ्युमरने म्हटले आहे. कॅपिटल फूडचे संस्थापक अजय गुप्ता म्हणाले की, आम्ही टाटा समूहा सोबत काम करण्यास उत्सुक आहोत.
तर फॅबिंडियाचे एमडी विल्यम बिसेल म्हणाले की टाटा समूह सुमारे दीडशे वर्षांहून अधिक काळापासून आहे. आम्हीही त्यात सहभागी होण्यासाठी खूप उत्सुक आहोत. शुक्रवारी, टाटा कंझ्युमर शेअर्स 3.5% वाढून 1,158.7 रुपयांवर व्यवहार करत होते.
100 टक्के हिस्सा खरेदी करणार
टाटा कंझ्युमर कॅपिटल फूड्सचे 100% इक्विटी शेअर्स कंपनीकडून खरेदी केले जातील. कराराच्या अटींनुसार, Tata Consumer Products कॅपिटल फूडच्या इक्विटी शेअरहोल्डिंगपैकी 75% संपादन करेल. उर्वरित 25 टक्के पुढील 3 वर्षांत खरेदी करणार आहे. या अधिग्रहणामुळे टाटा कंझ्युमरचा उत्पादन पोर्टफोलिओ वाढवण्यास मदत होईल.
बाजारातील वाढती मागणी पूर्ण करण्यासाठी आणि व्यवसायाला चालना देण्यासाठी कॅपिटल फूडचे अधिग्रहण करण्यात येत असल्याचे टाटा कंपनीने सांगितले. Tata Consumer ने सांगितले की FY2024 साठी कॅपिटल फूडची अंदाजे उलाढाल सुमारे 750 ते 770 कोटी रुपये आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
