Tata Group: टाटा समूह त्यांची मनोरंजन प्लॅटफॉर्म कंपनी टाटा प्ले मधील टेमासेक होल्डिंग्ज कंपनीला विकलेला हिस्सा परत घेण्याच्या प्रस्तावावर विचार करत आहे. टाटा समूहाने टेमासेकसोबत चर्चा सुरू केली आहे.
या अंतर्गत टाटा समूह टेमासेकला गुंतवणूकीतून बाहेर पडण्याचा प्रस्ताव देणार आहे. टेमासेकने 2007 मध्ये गुंतवणूक करून टाटा प्लेचा 20 टक्के हिस्सा विकत घेतला होता. त्यानंतर कंपनीचे नाव टाटा स्काय झाले होते, जे नंतर बदलून टाटा प्ले करण्यात आले.
आता टाटा समूह सिंगापूरच्या टेमासेक होल्डिंग्स पीटीई कंपनीशी टाटा प्लेमधील 20% हिस्सा परत खरेदी करण्यासाठी बोलणी करत आहे. या करारामुळे टाटा प्लेचे मूल्य 1 अब्ज डॉलर्सपेक्षा जास्त होऊ शकते.
या डीलची बातमी अशा वेळी आली आहे जेव्हा टाटा प्ले आपला IPO लॉन्च करण्याच्या विचारात आहे. यासाठी सेबीची मंजुरी फार पूर्वीच मिळाली होती मात्र तरीही कंपनीकडून दिरंगाई होत आहे.
टाटा समूहाची आणखी एक कंपनी Tata Technologies चा IPO लॉन्च होणार आहे. आतापर्यंत या IPO ची लॉन्चिंग तारीख आणि इश्यू किंमत यासह इतर तपशील कंपनीने दिलेले नाहीत. टाटा ग्रुपच्या कंपनीचा आयपीओ 18 वर्षांनंतर येईल. 2004 साली टाटा समूहाची कंपनी TCS चा IPO लॉन्च करण्यात आला होता. यानंतर अजून कोणताही IPO लॉन्च केला नाही.
ब्लूमबर्गने सूत्रांच्या हवाल्याने सांगितले की टाटा ग्रुप आणि सिंगापूरची कंपनी टेमासेक या डीलसाठी चर्चेच्या अंतिम टप्प्यात आहेत. टाटा प्ले हा टाटा समूह आणि वॉल्ट डिस्ने कंपनीच्या ट्वेंटी-फर्स्ट सेंच्युरी फॉक्स इंकचा संयुक्त उपक्रम आहे. कंपनीचे भारतभर 23 दशलक्ष कनेक्शन आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
