World's Billionaires: अमेरिकेत राहतात जगातील सर्वात श्रीमंत लोक; पहा टॉप-10 देशांची यादी, भारत कोणत्या नंबरवर?

Ultra Wealthy Individuals: वर्ल्ड ऑफ स्टॅटिस्टिक्सने नाइट फ्रँक वेल्थ रिपोर्टचा हवाला देत, X या सोशल मीडिया प्लॅटफॉर्मवर जगातील अशा देशांची यादी जाहीर केली आहे जिथे अतिश्रीमंत व्यक्ती राहतात. ज्या लोकांची एकूण संपत्ती 3 कोटी डॉलर्स म्हणजेच सुमारे 250 कोटींपेक्षा जास्त आहे त्यांना अतिश्रीमंतांच्या श्रेणीत समाविष्ट करण्यात आले आहे. या यादीतील टॉप 10 देशांमध्ये अमेरिका, चीन, जर्मनी, कॅनडा, फ्रान्स, यूके, जपान, इटली, ऑस्ट्रेलिया आणि स्वित्झर्लंड यांचा समावेश आहे.

या यादीत अमेरिका पहिल्या क्रमांकावर आहे, म्हणजेच अमेरिकेत सर्वाधिक श्रीमंत लोक आहेत. अमेरिकेत 2,25,077 श्रीमंत लोक आहेत ज्यांची एकूण संपत्ती 30 दशलक्ष डॉलर्सपेक्षा जास्त आहे.

या यादीत चीन दुसऱ्या क्रमांकावर आहे, जिथे अतिश्रीमंत श्रेणीत 98,551 लोक येतात. जर्मनीमध्ये 29,021 अतिश्रीमंत लोक राहतात. त्यानंतर कॅनडा (27,928), फ्रान्स (24,941), यूके (23,072), जपान (21,710), इटली (15,952), ऑस्ट्रेलिया (15,347) आणि स्वित्झर्लंड (14,734) यांचा क्रमांक लागतो.

भारत 11व्या स्थानावर आहे

या यादीतील टॉप-10 मध्ये भारताचा समावेश नाही. या यादीत भारत 11 व्या स्थानावर आहे. भारतात 13,263 श्रीमंत लोक आहेत ज्यांची एकूण संपत्ती 3 कोटी डॉलर्सपेक्षा जास्त आहे.

श्रीमंत लोकांच्या संख्येनुसार टॉप 10 देश

• अमेरिका: 225,077

• चीन: 98,551

• जर्मनी: 29,021

• कॅनडा: 27,928

• फ्रान्स: 24,941

• यूके: 23,072

• जपान: 21,710

• इटली: 15,952

• ऑस्ट्रेलिया: 15,347

• स्वित्झर्लंड: 14,734