Adani-Hindenburg case: गौतम अदानी यांनी हिंडेनबर्ग खटल्यातील सर्वोच्च न्यायालयाच्या निकालाचे स्वागत केले आहे. निकालावर मत व्यक्त करताना त्यांनी X वरील पोस्टमध्ये म्हटले आहे की, "सत्याचा विजय झाला आहे." अमेरिकेतील शॉर्ट सेलर हिंडेनबर्ग रिसर्चच्या आरोपांवर न्यायालयाने निर्णय दिल्यानंतर काही मिनिटांत त्यांनी पोस्ट केली.
पोस्टमध्ये त्यांनी लिहिले आहे की "माननीय सर्वोच्च न्यायालयाच्या निकालावरून असे दिसून आले आहे की: सत्याचा विजय झाला आहे. सत्यमेव जयते. जे आमच्या पाठीशी उभे राहिले त्यांचा मी ऋणी आहे. भारताच्या विकासात आमचे योगदान कायम राहील. जय हिंद,"
हिंडेनबर्ग प्रकरणाबाबत मोठा निर्णय देताना सर्वोच्च न्यायालयाने सेबीच्या तपासात कोणत्याही त्रुटी नसल्याचे सांगितले. अशा परिस्थितीत या प्रकरणाचा तपास एसआयटीकडून केला जाणार नाही. (What did the Supreme Court say in the Hindenburg case?)
सर्वोच्च न्यायालयाने सांगितले की, सेबीची तपासणी नियमानुसार झाली आहे. SEBI ने आतापर्यंत 22 आरोपांची चौकशी केली आहे तर 2 आरोपांची चौकशी बाकी आहे. उर्वरित प्रकरणांचा तपास तीन महिन्यांत पूर्ण करावा, असे सीजेआयने म्हटले आहे.
सुप्रीम कोर्टाने 24 नोव्हेंबर रोजी या प्रकरणी आपला निर्णय राखून ठेवला होता. निकाल राखून ठेवताना, सर्वोच्च न्यायालयाने म्हटले होते की, अदानी समूहाविरुद्धच्या आरोपांची चौकशी करणार्‍या सेबीला “बदनाम” करण्याचे कोणतेही कारण नाही.
हिंडेनबर्ग अहवालात गौतम अदानी आणि त्यांच्या अदानी समूहाने चुकीच्या पद्धतीने अदानी शेअर्समध्ये पैसे गुंतवल्याचा आरोप करण्यात आला होता. याद्वारे शेअरच्या किंमतीत फेरफार करून गुंतवणूकदारांची फसवणूक करण्यात आली. (What are the allegations against the Adani group?)
याचिकाकर्त्यांचे वकील प्रशांत भूषण यांनी मागणी केली होती की, अदानी कंपन्यांच्या शेअर्समधील गुंतवणुकीच्या तपासासोबतच कोणाला काय फायदा झाला हेही तपासावे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
