![Unemployment Rate rises to 6 point 7 percent in urban areas government data](http://media.assettype.com/esakal%2F2024-05%2F3bc8319e-68d5-4150-87f8-e2a5591fa70e%2FUnemployment_Rate_rises_to_6_point_7_percent_in_urban_areas_government_data.jpg?w=480&auto=format%2Ccompress&fit=max)
Unemployment Rate: लोकसभा निवडणुकीची रणधुमाळी सुरु असतानाच लेबर फोर्स सर्व्हेची आकडेवारी बुधवारी समोर आली. त्यानुसार मागील तिमाहीच्या तुलनेत बेरोजगारीचा दर वाढला आहे. यामध्ये शहरी पुरुषांची बेरोजगारी अधिक वाढली आहे. 15 वर्षे आणि त्याहून अधिक वयाच्या व्यक्तींच्या बेरोजगारीत वाढ झाली आहे. शहरी भागातील बेरोजगारीचा दर जानेवारी-मार्च दरम्यान 6.7% पर्यंत वाढला आहे, जो ऑक्टोबर-डिसेंबर 2023 दरम्यान 6.5% होता.
ग्रामीण आणि शहरी अशा दोन्ही भागांबद्दल बोलायचे झाल्यास, जानेवारी-मार्चमध्ये पुरुषांचा बेरोजगारीचा दर 6.1% पर्यंत वाढला, जो ऑक्टोबर-डिसेंबरमध्ये 5.8% होता.
महिलांबाबत बोलायचे झाले तर या काळात महिलांची बेरोजगारी कमी झाली आहे. ऑक्टोबर-डिसेंबरमध्ये 8.6% असलेला बेरोजगारीचा दर जानेवारी-मार्च दरम्यान 8.5% पर्यंत कमी झाला.
22व्या पीरियडिक लेबर फोर्स सर्व्हे (PLFS) नुसार, मार्च 2024 मध्ये शहरी भागात 15 वर्षे आणि त्याहून अधिक वयाच्या लोकांसाठी बेरोजगारीचा दर 6.7% होता. डेटावरून असेही दिसून आले आहे की शहरी भागातील 15 वर्षांवरील महिलांमधील बेरोजगारीचा दर जानेवारी-मार्च 2024 मध्ये 8.5 टक्क्यांवर घसरला आहे, जो एका वर्षापूर्वी याच तिमाहीत 9.2 टक्के होता. एप्रिल-जून 2023 मध्ये तो 9.1% आणि ऑक्टोबर-डिसेंबर 2023 मध्ये 8.6% होता.
पुरुषांमधील शहरी भागातील बेरोजगारीचा दर मार्च तिमाहीत वाढून 6.1% झाला आहे, जो एका वर्षाच्या आधीच्या याच कालावधीत 6% होता. एप्रिल-जून 2023 मध्ये तो 5.9%, जुलै-सप्टेंबर 2023 मध्ये 6% आणि ऑक्टोबर-डिसेंबर 2023 मध्ये 5.8% होता.
आकडेवारीवरून असे दिसून आले आहे की शहरी भागात 15 वर्षे आणि त्याहून अधिक वयाच्या काम करणाऱ्यांची संख्या (कामगार शक्ती सहभाग दर) वाढला आहे. त्याचा दर ऑक्टोबर-डिसेंबर तिमाहीत 49.9% होता, जो जानेवारी-मार्चमध्ये वाढून 50.2% झाला.
जर आपण पुरुषांबद्दल बोललो तर त्यांचा सहभाग दर 74.1% वरून 74.4% पर्यंत वाढला. तर महिलांचा सहभाग दर 25% वरून 25.6% पर्यंत वाढला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.