Union Budget 2024: नोकरदार महिलांसाठी हॉस्टेल; मुलींच्या योजनांसाठी निर्मला सीतारामण यांनी जाहीर केले 3 लाख कोटी

Women empowerment schemes in Union Budget 2024-25: आज सकाळी 2024-2025 या आर्थिक वर्षाचा केंद्रीय अर्थसंकल्प सादर करण्यात आला. यावेळी अर्थमंत्री निर्मला सीतारामण यांनी बजेट भाषणात मोठ्या घोषणा केल्या. तरुण, शेतकऱ्यांसह नोकरदार महिलांसाठी मोठा घोषणा करण्यात आली आहे.

नोकरदार महिलांसाठी मोठी घोषणा

नोकरदार महिलांसाठी हॉस्टेल उभारण्यात येतील. अशा प्रकारच्या सुविधांमधून नोकरदार वर्गामध्ये महिलांची संख्या वाढण्यासाठी प्रोत्साहन दिलं जाईल. सर्वांगीण विकासासाठी नॅशनल कोऑपरेशन पॉलिसी राबवली जाईल. याशिवाय देशांतर्गत संस्थांमध्ये उच्च शिक्षणासाठी १० लाख रुपयांची आर्थिक मदत केली जाईल. असं यावेळी सीतारामन यांनी सांगितलं.

महिलांच्या सर्वांगीण विकासासाठी सरकारतर्फे भरीवर आर्थिक तरतूद करण्यात आली आहे. महिला आणि मुलींना लाभ देणाऱ्या योजनांसाठी 3 लाख कोटी रुपयांची तरतूद करण्यात आली आहे.