WPI Inflation: सरकारने जानेवारी महिन्यासाठी घाऊक महागाई दर (WPI महागाई) जाहीर केला आहे. किरकोळ महागाई दर काही दिवसांपूर्वी जाहीर करण्यात आला होता. यावेळी जानेवारी महिन्यात घाऊक महागाई दर 0.27 टक्के होता. तर डिसेंबरमध्ये घाऊक महागाई दर 0.74 टक्के होता. जानेवारीमध्ये किरकोळ महागाई आणि घाऊक महागाई या दोन्हींमध्ये घसरण झाली आहे. (Wholesale price inflation declines to 0.27 per cent in January)
जानेवारीत दैनंदिन वस्तूंच्या महागाईचा दरही कमी झाला आहे. डिसेंबरमध्ये हा दर 5.78 टक्के होता तो जानेवारीत 3.84 टक्क्यांवर आला. त्याचबरोबर वीज आणि इंधनाच्या महागाईचा दरही जानेवारीत नकारात्मक राहिला आहे. डिसेंबरमध्ये महागाई -2.41 टक्के होती, तर जानेवारीमध्ये -0.51 टक्के होती. (India’s wholesale price inflation decreased in January)
किरकोळ महागाईतही घसरण
यापूर्वी 12 फेब्रुवारीला किरकोळ महागाई दराचे आकडेही आले होते. किरकोळ महागाईचा दर जानेवारीत 5.1 टक्क्यांवर आला होता. आणि गेल्या तीन महिन्यांतील ही नीचांकी पातळी होती. डिसेंबर 2023 मध्ये किरकोळ महागाईचा दर 5.69 टक्के होता. तर नोव्हेंबरमध्ये महागाई दर 5.55 टक्के होता. तर ऑक्टोबर 2023 मध्ये तो सर्वात कमी 4.87 टक्के होता.
घाऊक किंमत निर्देशांक म्हणजे काय?
घाऊक किंमत निर्देशांक हा (WPI) मोठ्या प्रमाणात विकल्या गेलेल्या आणि व्यापार केलेल्या वस्तूंच्या किंमतीतील बदलांचे मूल्यांकन करतो. अर्थव्यवस्थांमध्ये महागाई दर मोजण्यासाठी घाऊक किंमत निर्देशांक (डब्ल्यूपीआय)चा वापर केला जातो. घाऊक किंमत निर्देशांकामध्ये फक्त वस्तूंचा समावेश करण्यात येतो. त्यामध्ये सेवांचा समावेश नसतो.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
