Donald Trump Victory: अमेरिकेच्या अध्यक्षपदाच्या निवडणुकीत डोनाल्ड ट्रम्प यांचा विजय झाला आहे. त्यामुळे सोने बाजार पूर्णपणे क्रॅश झाल्याचे दिसत आहे. भारताच्या फ्युचर्स मार्केटमध्ये सोन्याचा भाव 1850 रुपयांपेक्षा जास्त घसरला आहे. दुसरीकडे, चांदीच्या भावात 3800 रुपयांहून अधिक घसरण पाहायला मिळाली. हीच परिस्थिती परदेशातही आहे.
न्यूयॉर्कच्या कॉमेक्स मार्केटमध्ये सोन्याच्या स्पॉटच्या किमती प्रति औंस 80 डॉलरपेक्षा जास्त घसरल्या. दुसरीकडे, चांदीच्या स्पॉटच्या भावात सुमारे 4.50 टक्क्यांची घसरण दिसून आली.