सबस्क्राईब करा
Nithin Kamath on Sebi Circular: जर तुम्ही ब्रोकरेज फर्म Zerodha चे यूजर असाल तर तुमच्यासाठी एक मोठी बातमी आहे. सेबीच्या नवीन नियमानंतर, डिमॅट खात्यासाठी शून्य शुल्क आता बंद होणार आहे. आता सेबीने एक नवा नियम बनवला आहे, ज्यानुसार स्टॉक ब्रोकर्स आता ग्राहकांकडून फक्त तेच शुल्क आकारू शकतील जे प्रत्यक्षात एक्सचेंज, क्लिअरिंग हाऊस आणि डिपॉझिटरीने ठरवले आहेत.
नव्या नियमाचा स्टॉक ब्रोकिंग कंपन्यांवर मोठा परिणाम झाला आहे. सेबीने आपल्या परिपत्रकात ब्रोकरला सांगितले आहे की ते जे शुल्क आकारत आहेत ते खरे असले पाहिजेत. Zerodha चे संस्थापक नितीन कामथ म्हणाले की, यानंतर Zerodha ब्रोकिंगला झिरो ब्रोकरेज ऑफर संपवावी लागेल. सेबीच्या या परिपत्रकानंतर लिस्टेड स्टॉक ब्रोकिंग कंपन्यांच्या शेअर्समध्ये घसरण दिसून आली.
याप्रकरणी कामत यांनी दोन ट्विट केले आहेत. ते म्हणाले की ब्रोकरने केलेल्या एकूण उलाढालीच्या आधारे स्टॉक एक्सचेंज व्यवहार शुल्क आकारतात. ब्रोकर क्लायंटकडून आकारत असलेले शुल्क आणि महिन्याच्या शेवटी एक्सचेंज ब्रोकरकडून जे शुल्क आकारते ती सवलत आहे, जी ब्रोकरकडे जाते. अशा सवलती जगभरातील प्रमुख बाजारपेठांमध्ये आहेत.
या सवलती आमच्या कमाईच्या सरासरी 10% आहेत आणि उद्योगातील इतर ब्रोकर्ससाठी 10-50% च्या दरम्यान आहेत. नव्या परिपत्रकामुळे हा महसूल स्रोत संपणार आहे. ब्रोकर ग्राहकाकडून जी फी घेतो आणि महिन्याच्या शेवटी ब्रोकरकडून एक्सचेंज जी फी घेते. या दोघांमधील फरक म्हणजे ब्रोकरचे उत्पन्न असते.
सेबीच्या नवीन नियमांनुसार, एक्सचेंज ब्रोकरकडून जे शुल्क आकारत आहे तेच शुल्क ग्राहकांकडून घ्यावे लागेल. यापूर्वी एक्सचेंजेसकडून आकारण्यात येणाऱ्या शुल्काचा काही भाग ब्रोकरला परत केला जात होता. Zerodha साठी ते उत्पन्नाच्या 10% होते. Zerodha ला मोफत इक्विटी वितरण व्यवहार थांबवावे लागतील किंवा F&O ट्रेडसाठी शुल्क वाढवावे लागेल.
नितीन कामथ यांनी सांगितले की, सेबी काही बदल करत आहे, ज्याचा थेट परिणाम झिरोधासारख्या ब्रोकरच्या कमाईवर होईल. आता रोजचे शुल्क घेण्याऐवजी ब्रोकर दरमहा एकरकमी शुल्क घेतील आणि व्यापारानुसार काही रक्कम परत करू शकतील.
ब्रोकरेज फीमधील या बदलामुळे झेरोधाची कमाई कमी होऊ शकते. बाजाराशी संबंधित सर्व संस्था समान शुल्क आकारतील याची खात्री करण्यावर सेबीचे लक्ष आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
