Stocks to Watch : 'हा' स्टॉक कमी काळात देईल दमदार परतावा, तुमच्याकडे आहे का ?

शेअर बाजारात तुम्ही गुंतवणुकीसाठी चांगला स्टॉक शोधत असाल तर तुम्ही हिंदाल्को इंडस्ट्रीजवर (Hindalco Industries) लक्ष ठेवू शकता. या शेअरबाबत ब्रोकरेज कंपन्या सकारात्मक दिसत आहेत. हिंदाल्को इंडस्ट्रीजच्या शेअर्समध्ये गुरुवारी सुमारे 1 टक्क्यांनी वाढ झाली असून हा शेअर 513.35 रुपयांवर ट्रेड करत आहे. त्याचा 52 आठवड्यांचा उच्चांक 620.60 रुपये आहे आणि 52 आठवड्यांचा नीचांक 381 रुपये आहे. कंपनीचे मार्केट कॅप 1.15 लाख कोटी आहे. कंपनीने नुकतेच आपले तिमाही निकाल जाहीर केले आहेत.

ब्रोकरेज फर्म प्रभुदास लीलाधर हिंदाल्को इंडस्ट्रीजच्या शेअर्सबाबत बुलिश आहेत. 13 फेब्रुवारी 2024 च्या त्यांच्या रिसर्च रिपोर्टमध्ये त्यांनी स्टॉकला बाय रेटिंग दिले आहे आणि 597 रुपये टारगेट प्राइस ठेवली आहे. यानुसार गुंतवणूकदारांना सुमारे 16 टक्के नफा होण्याची शक्यता आहे.

आदित्य बिर्ला समूहाची कंपनी हिंदाल्को इंडस्ट्रीजचा कंसोलिडेटेड नेट प्रॉफिट डिसेंबर तिमाहीत वार्षिक आधारावर 71 टक्क्यांनी वाढला आहे. या कालावधीत कंपनीला 2,331 कोटीचा नफा झाला आहे. कंपनीचा कंसोलिडेटेड रेव्हेन्यू वार्षिक आधारावर 0.6 टक्क्यांनी घसरून 52,808 कोटीवर आल्याची माहिती कंपनीने एका एक्सचेंज फायलिंगमध्ये दिली आहे. मजबूत व्हॉल्यूम ग्रोथ आणि मजबूत ऑपरेशन्समुळे, कॉपर बिझनेसने विक्रमी EBITDA नोंदवला, जो वार्षिक 20 टक्के जास्त असल्याचे हिंदाल्कोचे व्यवस्थापकीय संचालक सतीश पै म्हणाले.

EBITDA मागील वर्षीच्या तिमाहीत 1,591 कोटींच्या तुलनेत 2,443 कोटी होता. हायर सेल्स वॉल्यूम आणि किमतींमुळे कॉपर बिझनेसमधील रेव्हेन्यू 16 टक्क्यांनी वाढून 11,954 कोटींवर पोहोचला, पण ॲल्युमिनियम अपस्ट्रीममधून मिळणारा रेव्हेन्यू 0.9 टक्क्यांनी घसरून 7,971 कोटींवर आला.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.