Maharashtra Seamless: महाराष्ट्र सीमलेस लिमिटेडला ओएनजीसीकडून 187 कोटीची ऑर्डर मिळाली आहे. कंपनीला प्रीमियम दर्जाचे सीमलेस पाईप्स पुरवायचे आहेत. पुढील 44 आठवड्यांत हळूहळू त्याचा पुरवठा केला जाईल. सध्या हा शेअर 928 रुपयांवर ट्रेड करत आहे. हा एक मल्टीबॅगर स्टॉक आहे ज्याने यावर्षी 190 टक्के आणि 3 वर्षात 515 टक्के बंपर परतावा दिला आहे.
महाराष्ट्र सीमलेस लिमिटेड ही एक मोठी कंपनी आहे जी सीमलेस पाईप्स बनवते. या विभागातील त्याचा बाजारातील हिस्सा 55% आहे. त्यात महाराष्ट्र आणि तेलंगणामध्ये मॅन्युफॅक्चरिंग फॅसिलिटीज आहेत.
एपीआय सर्टिफाईड ईआरडब्ल्यू पाईप्स कॅटेगरीमध्ये त्यांचा बाजारपेठेतील वाटा 18% आहे. ही कंपनी ऑटोमोटिव्ह, केमिकल, इंजिनिअरिंग, मॅकेनिकल, ऑईल अँड गॅस, पेट्रोकेमिकल आणि पॉवर सेगमेंट्सना कॅटर करते.
25 ऑक्टोबर 2023 पर्यंत कंपनीची एकूण ऑर्डर बुक 1459 कोटी आहे. ओएनजीसी हा त्याचा सर्वात मोठा ग्राहक आहे. या कंपनीचे या ऑर्डर बुकमध्ये 37% योगदान आहे. याशिवाय इंडियन ऑइल, केर्न, भारत पेट्रोलियम, गेल, हिंदुस्थान पेट्रोलियम या कंपन्या त्याचे ग्राहक आहेत.
महाराष्ट्र सीमलेस लिमिटेड हा मल्टीबॅगर स्टॉक आहे जो या आठवड्यात 928 रुपयांवर ट्रेड करतोय. त्याचा आतापर्यंतचा उच्चांक 1081 रुपये आहे. कंपनीचे मार्केट कॅप सुमारे 12400 कोटी आहे. या महिन्यात स्टॉक सुमारे 9 टक्के, तीन महिन्यांत 61 टक्क्यांनी, यावर्षी आतापर्यंत 190 टक्क्यांनी, एका वर्षात 155 टक्क्यांनी आणि तीन वर्षांत 515 टक्क्यांनी वाढला आहे.
नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
