सबस्क्राईब करा
Stock Market CDSL Transactions: शेअर बाजारात गुंतवणूक करणाऱ्यांसाठी एक आनंदाची बातमी आहे, खरं तर आता तुम्हाला शेअर्स विकण्यासाठी फक्त 3.5 रुपये शुल्क भरावे लागणार आहे, पूर्वी ते 3.75 ते 5.5 रुपये प्रति व्यवहार होते.
पण गुंतवणूकदारांना दिलासा देत सेंट्रल डिपॉझिटरी सर्व्हिसेस लिमिटेडने (CSDL) नवीन दर जाहीर केले आहेत. या अंतर्गत आता प्रति डेबिट व्यवहार पूर्वीपेक्षा कमी असणार आहे म्हणजे तुम्हाला कमी पैसे द्यावे लागणार आहेत. हा नियम 1 ऑक्टोबरपासून लागू होणार आहे.
नवीन टॅरिफमध्ये काही सूट पूर्वीप्रमाणेच लागू राहतील. यामध्ये, महिला डिमॅट खातेधारकांना (एकट्या किंवा प्रथम धारक म्हणून) डेबिट व्यवहारांवर 0.25 रुपये आणि म्युच्युअल फंड, बाँड्स आणि आंतरराष्ट्रीय सिक्युरिटीज आयडेंटिफिकेशनमधील व्यवहारांवर 0.25 रुपयांची सूट मिळेल.
सीडीएसएलने नियामक फाइलिंगमध्ये म्हटले आहे की ही घोषणा सेबीच्या 'ट्रू टू लेबल' परिपत्रकानुसार आहे. नवीन प्रणाली लागू करण्याचा उद्देश गुंतवणूकदारांसाठी व्यवहार खर्च कमी करणे हा आहे.
CDSL भारतीय इक्विटी मार्केटमध्ये डिपॉझिटरी सेवा पुरवते. याद्वारे शेअर्स, बॉण्ड्स आणि म्युच्युअल फंड यांसारख्या सिक्युरिटीज ठेवता येतात आणि व्यवहार करता येतात.
सीडीएसएल ही आशियातील एकमेव लिस्टेड डिपॉझिटरी सेवा आहे ज्याचे मार्केट कॅप 31,300 कोटी रुपये आहे. CDSL द्वारे व्यवहार शुल्क आकारले जाते, जे डीमॅट खात्यातून शेअर्स विकल्यावर आकारले जाते.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
