Delta Corp Shares: डेल्टा कॉर्पला कर नोटीस मिळाल्यापासून कंपनीच्या शेअर्समध्ये मोठी घसरण झाली आहे. आज कंपनीचा शेअर 12 टक्क्यांनी घसरला आहे आणि एका वर्षातील सर्वात कमी किंमतीवर (122.60 रु) पोहोचला आहे. कंपनी सध्या दुहेरी संकटाचा सामना करत आहे.
कंपनी सध्या दुहेरी संकटाचा सामना करत आहे. यापूर्वी, सरकारने ऑनलाइन गेमिंगवरील जीएसटी 28 टक्के करण्याचा निर्णय घेतला होता आणि आता कंपनीला 23,200 कोटी रुपयांची नोटीस मिळाली आहे. या दोन्ही बातम्यांचा परिणाम गुंतवणूकदारांवर झाला आहे.
गेमिंग कंपनी डेल्टा कॉर्पचे शेअर्स आज 3 वर्षातील नीचांकी पातळीवर पोहोचले आहेत. जुलैच्या मध्यापासून कंपनीच्या शेअर्सच्या किंमतीत सातत्याने घसरण होत आहे.
22 सप्टेंबर रोजी कंपनीला 11,140 कोटी रुपयांचा जीएसटी भरण्याची नोटीसही मिळाली होती. याशिवाय, कंपनीला कॅसिनो डेल्टिन डेन्झोंग, हायस्ट्रीट क्रूझ आणि डेल्टा प्लेजर क्रूझ या तिन्ही उपकंपन्यांद्वारे 5,682 कोटी रुपयांच्या कराची नोटीस देखील पाठवण्यात आली होती. कंपनीकडून यासंदर्भात जीएसटी विभागाला निवेदन पाठवण्यात आले आहे.
कंपनीचा व्यवसाय काय आहे?
डेल्टा कॉर्प कंपनी कॅसिनो व्यवसायत गुंतलेली आहे. याशिवाय, कंपनी रिअल इस्टेट, गेमिंग, हॉस्पिटॅलिटी आणि इतर व्यवसायांमध्ये गुंतलेली आहे. कंपनी DELTIN ब्रँड अंतर्गत गेमिंग आणि हॉस्पिटॅलिटी व्यवसाय चालवत आहे. कंपनीचे गोव्यात तीन कॅसिनो आहेत, ज्यात डेल्टिन रॉयल, डेल्टिन जेएक्यूके आणि डेल्टिन कॅराव्हेला यांचा समावेश आहे.
नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
