Forbes' Global 2000 List: 2023 साठी जगातील 2,000 कंपन्यांची यादी जाहीर करताना, फोर्ब्सने सांगितले की विक्री, नफा, मालमत्ता आणि बाजार मूल्यांकन या चार घटकांच्या आधारे कंपन्यांची यादी जाहीर केली आहे.
अमेरिकेतील सर्वात मोठी बँक JPMorgan (JPMorgan) 2011 नंतर प्रथमच या यादीत प्रथम स्थानावर आहे. बँकेची एकूण मालमत्ता 3700 अब्ज डॉलर्स आहे.
वॉरन बफेचा बर्कशायर हॅथवेची घसरण
वॉरेन बफेचा बर्कशायर हॅथवे, जी गेल्या वर्षी या यादीत अव्वल होती, ती या वर्षी त्याच्या गुंतवणूक पोर्टफोलिओमधील तोट्यामुळे 338 व्या स्थानावर घसरण झाली आहे. सौदीची तेल कंपनी अरामको दुसऱ्या क्रमांकावर आहे. तंत्रज्ञान कंपनी अल्फाबेट आणि अॅपल 7व्या आणि 10व्या स्थानावर आहेत.
रिलायन्स 45 व्या स्थानावर आहे
रिलायन्स इंडस्ट्रीज 8.3 अब्ज डॉलर नफ्यासह 45व्या स्थानावर आहे. समूहाचा व्यवसाय तेलापासून दूरसंचारापर्यंत पसरलेला आहे. या यादीत रिलायन्स इंडस्ट्रीज जर्मनीचा बीएमडब्ल्यू ग्रुप, स्वित्झर्लंडचा नेस्ले, चीनचा अलिबाबा ग्रुप, अमेरिकन प्रॉक्टर अँड गॅम्बल आणि जपानचा सोनी यांच्या पुढे आहे.
कोणती कंपनी कोणत्या नंबरवर आहे?
या यादीत स्टेट बँक ऑफ इंडिया (SBI) 77 व्या (2022 मध्ये 105 वे), HDFC बँक 128 व्या (2022 मध्ये 153 वा) आणि ICICI बँक 163 व्या (2022 मध्ये 204 व्या) स्थानावर आहे.
इतर कंपन्यांमध्ये ओएनजीसी 226 व्या, एलआयसी 363व्या, टीसीएस 387व्या, अॅक्सिस बँक 423व्या, एनटीपीसी 433व्या, लार्सन अँड टुब्रो 449व्या, भारती एअरटेल 478व्या, कोटक महिंद्रा बँक 502व्या, इंडियन ऑइल कॉर्पोरेशन 540व्या क्रमांकावर आहे.
या यादीत 55 भारतीय कंपन्यांचा समावेश आहे
या यादीत एकूण 55 भारतीय कंपन्यांचा समावेश आहे. या यादीत अब्जाधीश उद्योगपती गौतम अदानी यांच्या समूहातील अदानी एंटरप्रायझेस (1062 वे स्थान), अदानी पॉवर (1488 वे स्थान) आणि अदानी पोर्ट्स आणि स्पेशल इकॉनॉमिक झोन (1598 वे स्थान) या तीन कंपन्यांचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
