Share Market Closing Latest Update 18 June 2024: मंगळवारी शेअर बाजारात चांगला व्यवसाय झाला. बाजारात चौफेर खरेदी दिसून आली आणि बाजार वाढीसह बंद झाले. नवीन विक्रमी उच्चांक करत बाजार तेजीसह बंद झाले. आजच्या व्यवहारादरम्यान, निफ्टीने 23,579 आणि सेन्सेक्सने 77,366 चा नवीन विक्रम केला.
निफ्टी 92 अंकांनी वाढून 23,557 वर बंद झाला. त्याच वेळी सेन्सेक्स 308 अंकांनी वाढून 77,301 वर बंद झाला. निफ्टी बँक 438 अंकांनी वाढून 50,440 वर बंद झाला. श्रीराम सिमेंट, पॉवर ग्रिड, विप्रो, आयसीआयसीआय बँक, टायटनमध्ये सर्वाधिक वाढ झाली. तर मारुती सुझुकी, डॉ रेड्डी, अल्ट्राटेक सिमेंट, टाटा स्टील, हिंदाल्को घसरले.
आजच्या सत्रात कंझ्युमर ड्युरेबल, बँकिंग, आयटी, ऊर्जा शेअर्समध्ये जोरदार वाढ दिसून आली. तर हेल्थकेअर, ऑइल अँड गॅस, ऑटो, फार्मा, एफएमसीजी, मेटल आणि मीडिया क्षेत्रातील शेअर्समध्ये घसरण झाली आहे.
मिड कॅप आणि स्मॉल कॅप शेअर्समध्ये आजही खरेदी सुरूच होती. निफ्टी मिड कॅप निर्देशांक आणि स्मॉल कॅप निर्देशांक दोन्ही ऐतिहासिक उच्चांकावर बंद झाले आहेत. सेन्सेक्समधील 30 शेअर्सपैकी 22 शेअर्स वाढीसह आणि 8 शेअर्स घसरणीसह बंद झाले.
शेअर बाजारातील प्रचंड वाढीमुळे बाजारातील भांडवलही विक्रमी पातळीवर बंद झाले आहे. बीएसईवर शेअर्सचे मार्केट कॅप 437.30 लाख कोटी रुपयांवर बंद झाले आहे, जे गेल्या ट्रेडिंग सत्रात 434.88 लाख कोटी रुपयांवर बंद झाले होते. म्हणजेच आजच्या सत्रात गुंतवणूकदारांच्या संपत्तीत 2.42 लाख कोटी रुपयांची वाढ झाली आहे.
बीएसई सेन्सेक्समधील 30 शेअर्सपैकी 22 शेअर्स आज वाढीसह बंद झाले. यामध्येही पॉवर ग्रिडच्या शेअर्समध्ये सर्वाधिक 3.17 टक्के वाढ झाली आहे. यानंतर, विप्रो, टायटन, ICICI बँक आणि महिंद्रा अँड महिंद्रा (M&M) चे शेअर्स सर्वाधिक वाढले.
सेन्सेक्समधील उर्वरित 8 शेअर्स आज घसरणीसह बंद झाले. यामध्येही मारुती सुझुकीचे शेअर्स 2.14 टक्क्यांच्या घसरणीसह सर्वाधिक घसरले. याशिवाय टाटा स्टील, अल्ट्राटेक सिमेंट, टाटा मोटर्स आणि आयटीसी यांचे शेअर्स लाल रंगात बंद झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.