Bloomberg Billionaires Index Gautam Adani : हिंडेनबर्ग अहवाल प्रसिद्ध झाल्यापासून एका महिन्यात गौतम अदानी यांच्या संपत्तीवर परिणाम झाला आहे. अदानी समूहाच्या शेअर्समध्ये मोठी घसरण सुरूच आहे.
अदानींची एकूण संपत्ती आता 42.7 अब्ज डॉलरवर आली आहे. यासोबतच त्यांना जगातील 25 श्रीमंतांच्या यादीतूनही नारळ मिळाला आहे.
ब्लूमबर्ग अब्जाधीशांच्या निर्देशांकात त्यांची 29 व्या स्थानावर घसरण झाली आहे. हिंडेनबर्ग संशोधन अहवाल प्रसिद्ध झाल्यापासून, अदानी यांच्या संपत्तीत सुमारे 75 अब्ज डॉलरची घट झाली आहे. या वर्षी त्यांची संपत्ती सुमारे 77.9 अब्ज डॉलरने कमी झाली आहे.
श्रीमंतांच्या यादीत आता 28 उद्योगपती अदानींच्या पुढे आहेत. Giovanni Ferrero & Family हे अदानीच्या अगदी पुढे आहेत आणि ब्लूमबर्गच्या यादीत 28 व्या स्थानावर आहेत. त्यांची एकूण संपत्ती 42.9 अब्ज डॉलर एवढी आहे.
त्याचप्रमाणे, फिल नाइट अँड फॅमिली 45.1 अब्ज डॉलर संपत्तीसह 27 व्या स्थानावर आहेत. मायकेल डेल 48.1 अब्ज डॉलर्सच्या संपत्तीसह 26 व्या स्थानावर आहेत.
पहिल्या10 श्रीमंतांच्या यादीत एकही भारतीय नाही :
ब्लूमबर्गच्या यादीनुसार, जगातील 10 श्रीमंतांच्या यादीत सध्या एकही भारतीय नाही. रिलायन्स इंडस्ट्रीजचे प्रमुख मुकेश अंबानी 81.5 अब्ज डॉलर्सच्या संपत्तीसह 12 व्या स्थानावर आहेत.
बर्नार्ड अर्नॉल्ट पहिल्या स्थानावर :
ब्लूमबर्गच्या यादीत फ्रान्सचे बर्नार्ड अर्नॉल्ट हे 189 अब्ज डॉलरच्या एकूण संपत्तीसह पहिल्या स्थानावर आहेत. यानंतर अमेरिकन उद्योगपती इलॉन मस्क दुसर्या स्थानावर आहेत. त्यांची एकूण संपत्ती 183 अब्ज डॉलर एवढी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
