सबस्क्राईब करा
HDFC Bank Block Deal: खाजगी क्षेत्रातील एचडीएफसी बँकेने तिची मूळ कंपनी एचडीएफसी लिमिटेडचे विलीनीकरण केल्यापासून कंपनीच्या शेअर्समध्ये घसरण दिसून येत आहे. जर आपण 2024 च्या सुरुवातीपासून आजपर्यंत पाहिले तर एचडीएफसी बँकेचे शेअर्स सातत्याने घसरत आहेत.
पण गुरुवारी जगातील दोन बड्या गुंतवणूकदारांनी एचडीएफसी बँकेतील सुमारे 755 कोटी रुपयांचे शेअर्स खरेदी केले. अशा परिस्थितीत आता एचडीएफसीचे शेअर्स वाढणार का हे पाहावे लागेल.
मॉर्गन स्टॅनली आणि सिटी ग्रुपने एचडीएफसी बँकेत 755 कोटी रुपयांहून अधिक गुंतवणूक केली आहे. मात्र, यासाठी दोन्ही कंपन्यांनी शेअर बाजारात करार केला, म्हणजेच त्यांनी कंपनीत गुंतवणूक न करता शेअर बाजारातून एचडीएफसी बँकेचे शेअर्स खरेदी केले.
बॉम्बे स्टॉक एक्सचेंज (BSE) वर उपलब्ध आकडेवारीनुसार, अमेरिकन वित्तीय सेवा कंपनी मॉर्गन स्टॅनले आणि सिटी ग्रुपने त्यांच्या स्वतंत्र संस्थांद्वारे HDFC बँकेचे 43.75 लाख शेअर्स खरेदी केले आहेत. हा करार 1,726.29 रुपये प्रति शेअर या दराने झाला आहे. अशाप्रकारे, या मोठ्या कराराचे एकूण मूल्य 755.29 कोटी रुपये होते.
बीएनपी परिबानेही गेल्या आठवड्यात एचडीएफसी बँकेतील हिस्सा कमी केला होता. त्यानंतर कंपनीने एचडीएफसी बँकेचे 543.27 कोटी रुपयांचे शेअर्स विकले होते.
मॉर्गन स्टॅनले आणि सिटी ग्रुपने एचडीएफसी बँकेत गुंतवणूक केल्यामुळे शुक्रवारी बँकेच्या शेअर्समध्ये सकारात्मक कल दिसून येत आहे. बाजारातील घसरणीचा कल असूनही, एचडीएफसी बँकेचे शेअर्स ग्रीन झोनमध्ये आहेत आणि 2.40 टक्क्यांनी वाढले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.