Share Market Investment Tips: शुक्रवारी भारतीय बेंचमार्क इंडेक्सने पाच दिवसांच्या घसरणीला ब्रेक लावला आणि निफ्टीने 24,861.15 या नवीन सार्वकालिक उच्चांकाला स्पर्श केला. व्यवहाराच्या शेवटी सेन्सेक्स 1,292.92 अंकांनी अर्थात 1.62 टक्क्यांनी वाढून 81,332.72 अंकांवर आणि निफ्टी 428.70 अंकांनी म्हणजेच 1.76 टक्क्यांनी वाढून 24,834.80 वर बंद झाला.
प्रभुदास लिल्लाधरच्या टेक्निकल रिसर्च वाइस प्रेसिडेंट वैशाली पारेख यांनी सांगितले की, निफ्टीने 24,600 च्या वर जाऊन ताकद दाखवली, तर येत्या काही दिवसांत तो पुन्हा 24,850 च्या आधीच्या उच्चांकावर पोहोचू शकतो.
तर निफ्टी 24,000 अंकांच्या वर राहिला तर तो लवकरच नवीन उच्चांक पाहू शकेल असे आयसीआयसीआय सिक्युरिटीजच्या विश्लेषकांचे म्हणणे आहे.
बँक निफ्टीच्या डेली चार्टवर आउटसाईड डे पॅटर्न तयार झाल्याचे एलकेपी सिक्युरिटीजचे रुपक डे म्हणाले. हे बाजारातील आणखी वाढीच्या शक्यतेचे संकेत आहे. याशिवाय बँक निफ्टीने 50-पिरियड एक्सपोनेन्शिअल मूव्हिंग एव्हरेज परत मिळवली आहे.
शॉर्ट टर्म ट्रेंडमध्ये बुलिश रिव्हर्सल दिसू शकतो. जर बँक निफ्टी 51,500 च्या वर जाण्यात यशस्वी झाला तर 52,500 च्या दिशेने चांगली तेजी दिसून येईल. 51,000 वर खालच्या पातळीवर सपोर्ट दिसत आहे.
जागतिक बाजारातून चांगले संकेत मिळत आहेत. शुक्रवारी अमेरिकन बाजारात जोरदार वाढ दिसून आली. अमेरिकन वायदा बाजारातही तेजी दिसून येत आहे. गिफ्ट निफ्टीमध्ये जवळपास 154 अंकांची वाढ दिसून आली. या भावनांचा परिणाम आज (29 जुलै) देशांतर्गत शेअर बाजारावर दिसून येईल. इंट्राडे दरम्यान काही शेअर्समध्ये जोरदार वाढ होऊ शकते.
श्रीराम फायनान्स (SHRIRAMFIN)
सिप्ला (CIPLA)
डिव्हिस लॅब (DIVISLAB)
भारती एअरटेल (BHARTIARTL)
अपोलो हॉस्पिटल (APOLLOHOSP)
भारत फोर्ज (BHARATFORG)
एम फॅसिस (MPHASIS)
अशोक लेलँड (ASHOKLEY)
आयडिया (IDEA)
पीआय इंडस्ट्रीज (PIIND)
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
