Share Market Today: शेअर बाजार उघडताच 'या' शेअर्समध्ये असेल तेजी; काय आहे तज्ज्ञांचा अंदाज?

Share Market Investment Tips: शनिवारी अस्थिर व्यापार सत्रात बाजार घसरणीसह बंद झाला. निफ्टी 21,600 च्या आसपास बंद झाला. व्यवहाराच्या शेवटी, सेन्सेक्स 259.58 अंकांनी अर्थात 0.36 टक्क्यांनी घसरून 71,423.65 वर आणि निफ्टी 36.70 अंकांनी म्हणजेच 0.17 टक्क्यांनी घसरून 21,585.70 वर आला.

आज कशी असेल बाजाराची स्थिती?

बँक निफ्टी इंडेक्सने 45700-45600 चा सपोर्ट कायम ठेवत डेली चार्टवर हायर लो करून ताकद दाखवल्याचे एलकेपी सिक्युरिटीजचे कुणाल शाह यांचे म्हणणे आहे. नवीन तेजीसाठी इंडेक्सला 46300 वर रझिस्टंस ओलांडणे आवश्यक आहे.

असे झाल्यास, शॉर्ट-कव्हरिंग ट्रिगर होऊ शकते, ज्यामुळे बँक निफ्टी 46500/46800 च्या पातळीवर जाऊ शकतो. 45600 च्या महत्त्वाच्या सपोर्टच्या खाली आलेला डाउनसाइड वाढू शकतो आणि इंडेक्स 44000 च्या दिशेने घसरू शकतो.

निफ्टी वाढीसह उघडला आणि दिवसभर अस्थिर राहिल्याचे एलकेपी सिक्युरिटीजचे रुपक डे म्हणाले. पुढील काही दिवस किंवा निफ्टी 21500-21700 च्या रेंजमध्ये राहीपर्यंत कंसोलिडेशन चालू राहू शकते.

या रेंजच्या दोन्ही बाजूंनी केवळ निर्णायक ब्रेकआउट बाजाराची दिशा स्पष्ट करेल. निफ्टी 21500 च्या खाली गेला तर 21300 ची पातळी आणि त्याहूनही खाली दिसू शकते. याउलट, अपट्रेंड पुन्हा सुरू करण्यासाठी निफ्टीला 21700 च्या वर मजबूत ब्रेकआउट देणे आवश्यक आहे.

आजचे टॉप 10 शेअर्स कोणते?

• हिंदुस्थान युनिलिव्हर (HINDUNILVR)

• टीसीएस (TCS)

• महिन्द्रा अँड महिन्द्रा (M&M)

• इंडसइंड बँक (INDUSINDBK)

• एचसीएल टेक (HCLTECH)

• ऍबॉट इंडिया (ABBOTINDIA)

• एचडीएफसी ऍसेट मॅनेजमेंट कंपनी लिमिटेड (HDFCAMC)

• व्होल्टास (VOLTAS)

• पॉलिकॅब (POLYCAB)

• कोफोर्ज (COFORGE)

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.