जेएनके इंडियाचा आयपीओ आजपासून सबस्क्रिप्शनसाठी खुला झाला आहे. कंपनीने या आयपीओसाठी प्रति शेअर 395-415 रुपये प्राइस बँड ठेवला आहे. 25 एप्रिलपर्यंत गुंतवणूकदारांना यात गुंतवणूक करण्याची संधी असेल. आयपीओच्या माध्यमातून 650 कोटी उभारण्याचा कंपनीचा मानस आहे.
या आयपीओअंतर्गत 300 कोटीचे फ्रेश इक्विटी शेअर्स जारी केले जातील. त्याच वेळी, 349.47 कोटीचे शेअर्स ऑफर फॉर सेल (OFS) अंतर्गत विकले जातील. आयपीओ उघडण्यापूर्वी, कंपनीचे शेअर्स ग्रे मार्केटमध्ये कोणत्याही प्रीमियम किंवा डिस्काउंटशिवाय त्याच्या इश्यू प्राइसच्या बरोबरीने ट्रेड करत आहेत.
आयपीओअंतर्गत 75.94 लाख फ्रेश इक्विटी शेअर जारी केले जातील. त्याच वेळी, ऑफर फॉर सेलचा भाग म्हणून विद्यमान भागधारक आणि प्रमोटर्सकडून 84.2 लाख शेअर्स विकले जातील. ओएफएसमध्ये गौतम रामपेल्लीचे 11.2 लाख शेअर्स, जेएनके ग्लोबलचे 24.3 लाख शेअर्स, मॅस्कॉट कॅपिटल अँड मार्केटिंगचे 44 लाख शेअर्स आणि मिलिंद जोशींचे 46.8 लाख शेअर्सचा समावेश आहे.
ऑफरपैकी 50 टक्के पात्र संस्थात्मक खरेदीदारांसाठी, 35 टक्के किरकोळ गुंतवणूकदारांसाठी आणि उर्वरित 15 टक्के गैर-संस्थात्मक गुंतवणूकदारांसाठी राखीव आहेत. आयपीओमधून मिळणारे निव्वळ उत्पन्न खेळत्या भांडवलाच्या गरजांसाठी आणि सामान्य कॉर्पोरेट हेतूंसाठी वापरले जाईल. आयआयएफएल सिक्युरिटीज आणि आयसीआयसीआय सिक्युरिटीज हे आयपीओचे प्रमुख व्यवस्थापक आहेत, तर लिंक इनटाइम इंडिया हे रजिस्ट्रार आहेत.
जेएनके इंडिया तेल रिफायनरीज आणि पेट्रोकेमिकल प्लांट यांसारख्या प्रक्रिया उद्योगांसाठी हीटिंग इक्विपमेंट तयार करते. कंपनी डिझाईनपासून स्थापनेपर्यंत सर्व काही हाताळते आणि देशांतर्गत आणि आंतरराष्ट्रीय बाजारपेठेत सेवा पुरवते. त्याची भारतातील स्पर्धक थर्मॅक्स लिमिटेड आहे. कंपनीने फ्लेअर्स, इन्सिनरेटर सिस्टीममध्येही विस्तार केला आहे आणि ग्रीन हायड्रोजनसह रिन्यूएबल सेक्टर प्रवेश करत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
