सबस्क्राईब करा
Stock News: लार्सन अँड टुब्रो ही देशातील आघाडीची इंजीनिअरिंग कंपनी आहे. त्यांचा 50 हून अधिक देशांमध्ये व्यवसाय आहे आणि तो प्रामुख्याने इपीसी म्हणजेच इंजीनिअरिंग, प्रोक्योअरमेंट आणि कंस्ट्रक्शन बिझनेसमध्ये आहे.
या कंपनीला सौदी अरेबियातून हजारो कोटी रुपयांची मोठी ऑर्डर मिळाली आहे. या ऑर्डरमुळे शेअर्समध्ये दीड टक्क्यांहून अधिक वाढ झाली. शिवाय त्याने 3,549 रुपयांचा नवा सार्वकालिक उच्चांक गाठला आहे. हा शेअर चार ट्रेडिंग सत्रांपासून सतत वाढत आहे.
बीएसईच्या वेबसाइटवर उपलब्ध माहितीनुसार, लार्सन अँड टुब्रो कन्स्ट्रक्शनला सौदी अरेबियाकडून एक मोठी ऑर्डर मिळाली आहे. ऑर्डरची साइज 5000-10000 कोटी आहे. हा प्रोजेक्ट सौदी अरेबियाच्या लाल सागर प्रदेशात आहे.
अमाला (AMAALA) असे या प्रोजेक्ट नाव आहे. हा एक अल्ट्रा लक्झरी मेगा प्रोजेक्ट आहे जो सौदी व्हिजन 2030 अंतर्गत येतो. हा प्रोजेक्ट 4155 किमी परिसरात पसरलेला आहे.
या प्रोजेक्टअंतर्गत अतिश्रीमंत लोकांसाठी अल्ट्रा प्रीमियम शैलीत शहर बांधले जात आहे. या अंतर्गत स्थानिक संस्कृतीसह डायव्हर्स नॅचरल इकोसिस्टम विकसित करण्यात येणार आहे. इथे 25 आलिशान हॉटेल्स बांधण्यात येणार आहेत. याशिवाय 900 हून अधिक लक्झरी निवासी व्हिला आणि अपार्टमेंट्स असतील. त्याला स्वप्नांचे शहर म्हटले जाते आहे.
कंपनीची ऑर्डर बुक 30 सप्टेंबर 2023 पर्यंत 4507 अब्ज डॉलर्स म्हणजेच 4.57 लाख कोटीची आहे. वार्षिक आधारावर कंपनीच्या ऑर्डरमध्ये 22 टक्क्यांनी वाढ झाली आहे. एकूण ऑर्डर देशांतर्गत 2914 अब्ज आहेत. या स्टॉकने 2023 मध्ये 70 टक्के परतावा दिला आहे.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
