Multibagger Stock Updates: 7 वर्षात गुंतववणूकदार झाले कोट्यधीश, कोणता आहे 'हा' शेअर?

Multibagger Stock Updates: शेअर मार्केटमध्ये योग्य ठिकाणी गुंतवणूक केल्यास तुम्हाला चांगला परतावा मिळू शकतो. अशात तुम्ही मल्टीबॅगर स्टॉक्स शोधत असाल, तर तुम्ही आदित्य व्हिजनचा (Aditya Vision) विचार करु शकता.

या कंपनीचे मुख्यालय बिहारमध्ये आहे. आदित्य व्हिजनच्या शेअर्सने आपल्या गुंतवणुकदारांना केवळ 7 वर्षात कोट्यधीश बनवले आहे. या कालावधीत कंपनीच्या शेअर्सने सुमारे 12,000% परतावा दिला आहे.

सध्या आदित्य व्हिजनचे शेअर्स 1,845 रुपयांवर ट्रेड करत आहेत. सुमारे 2,220 कोटीचे मार्केट कॅप असलेली कंपनी बिहार आणि झारखंडमध्ये ग्राहकोपयोगी वस्तू आणि इलेक्ट्रॉनिक्स वस्तूंची विक्री करते.

आदित्य व्हिजनच्या शेअरची 7 वर्षांपूर्वी 16 डिसेंबर 2016 रोजी किंमत फक्त 15.30 रुपये होती. तेव्हापासून कंपनीच्या शेअर्समध्ये तब्बल 11,958.82 टक्क्यांची वाढ झाली आहे.

याचा अर्थ असा की जर एखाद्या गुंतवणूकदाराने या कंपनीच्या शेअर्समध्ये 7 वर्षांपूर्वी 1 लाख रुपये गुंतवले असते तर आज त्याचे 1.20 कोटी झाले असते.

आदित्य व्हिजनचे शेअर्स गेल्या एका महिन्यात 34.49% वाढले आहेत. त्याच वेळी गेल्या एका वर्षात या शेअरने आपल्या गुंतवणूकदारांना सुमारे 132.05% परतावा दिला आहे.

शेअर बाजारातील दिग्गज ज्येष्ठ गुंतवणूकदार आशिष कचोलिया यांनीही या शेअरमध्ये गुंतवणूक केली आहे. मार्च तिमाहीपर्यंतच्या आकडेवारीनुसार, त्यांची या कंपनीत सुमारे 1.1% भागीदारी आहे. सध्याच्या बाजारभावानुसार या स्टेकची किंमत सुमारे 24.8 कोटी रुपये आहे.

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.