सबस्क्राईब करा
हॅम्प्टन स्काय रियल्टी ही रिअल इस्टेट क्षेत्रातील स्मॉल कॅप कंपनी आपल्या व्यवसायाचा विस्तार करण्याच्या विचारात आहे. हा मल्टीबॅगर पेनी स्टॉक आहे ज्याने अतिशय कमी कालावधीत आपल्या गुंतवणूकदारांना दमदार परतावा दिला आहे. नुकतीच कंपनीच्या शेअर्समध्ये 0.47 टक्क्यांची किंचित वाढ झाली आहे. सध्या हा शेअर बीएसईवर 32.35 रुपयांवर व्यवहार करत आहे. या वाढीसह कंपनीचे मार्केट कॅप 887 कोटी झाले आहे. स्टॉकचा 52 आठवड्यांचा उच्चांक 59 रुपये आणि 52 आठवड्यांचा नीचांक 26.08 रुपये आहे. शेअरहोल्डिंग पॅटर्ननुसार कंपनीतील प्रमोटर्सची हिस्सेदारी 74.90 टक्के आहे.
हॅम्प्टन स्काय रियल्टीने दिग्गज लक्झरी हॉटेल चेनसह पार्टनरशिपमध्ये आपल्या मालकीच्या प्रॉपर्टीवर एक अत्याधुनिक लक्झरी हॉटेल बांधण्याची योजना जाहीर केली आहे. कंपनीच्या म्हणण्यानुसार, नवीन हॉटेलमध्ये विविध आलिशान खोल्या, स्पा आणि वेलनेस सेंटर आणि इव्हेंट व्हेन्यू असतील. हे सर्व प्रकारच्या पाहुण्यांना आकर्षित करण्यासाठी डिझाइन केले जाईल.
लुधियाना आणि दिल्लीस्थित रिअल इस्टेट डेव्हलपर हॅम्प्टन स्काय रियल्टीची गेल्या आर्थिक वर्षाच्या चौथ्या तिमाहीत निव्वळ विक्री 83.54 कोटी होती, जी मार्च 2023 मधील 14.15 कोटीपेक्षा 490.37 टक्के जास्त आहे. मार्च 2024 मध्ये कंपनीचा निव्वळ नफा 10.72 कोटी होता, जो मार्च 2023 मधील 6.12 कोटीपेक्षा 275.12 टक्के अधिक आहे. या कालावधीत EBITDA 20.99 कोटी होता, जो मार्च 2023 मधील 8.97 कोटीपेक्षा 334% अधिक आहे.
हॅम्प्टन स्काय रियल्टी शेअर्स गेल्या वर्षभरात 23 टक्क्यांनी घसरला आहे. मात्र, गेल्या तीन वर्षांत गुंतवणूकदारांनी 313 टक्के इतका मोठा नफा कमावला आहे. इतकेच नाही तर गेल्या चार वर्षात 2840 टक्के उत्कृष्ट परतावा दिला आहे.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
