Share Market Closing Latest Update 7 June 2024: बॉम्बे स्टॉक एक्स्चेंजवर तेजी परतली आहे. शुक्रवारी बीएसई सेन्सेक्सने मागील सर्व विक्रम मोडीत काढले आणि नवीन सार्वकालिक उच्चांक गाठला. सेन्सेक्सने एकाच दिवसात 1,700 अंकांची वाढ नोंदवली असून तो 76,794.06 अंकांवर पोहोचला आहे. त्यामुळे निवडणूक निकालाच्या दिवशी म्हणजे 4 जून रोजी शेअर बाजारातील घसरण पूर्णपणे सावरली आहे.
आज शुक्रवारी देशात नवीन सरकार स्थापनेची अधिकृत सुरुवात झाली. सकाळी, रिझर्व्ह बँक ऑफ इंडिया (RBI) ने द्वि-मासिक चलन धोरण जाहीर केले. यावेळीही रेपो दरात कोणताही बदल झालेला नाही आणि देशातील महागाई कमी करण्यावर आरबीआयचे लक्ष आहे. या दोन्ही घटनांमुळे सकाळपासून बाजारात तेजीचे वातावरण कायम होते.
सेन्सेक्सनेही आज उच्चांक गाठला आणि निफ्टीही 2% वाढीसह बंद झाला. सलग तिसऱ्या दिवशी बाजार तेजीसह बंद झाला. सेन्सेक्सने 76,794 चा नवा विक्रम केला. सेन्सेक्स 1,700 अंकांनी वाढून 76,794 वर बंद झाला. निफ्टी 468 अंकांनी वाढून 23,290 वर बंद झाला.
आजच्या व्यापार सत्रात भारतीय शेअर बाजारातील जोरदार उसळीमुळे सलग तिसऱ्या सत्रात गुंतवणूकदारांच्या संपत्तीत वाढ झाली आहे. बीएसईवर कंपन्यांच्या शेअर्सचे मार्केट कॅप 423.56 लाख कोटी रुपयांवर बंद झाले, जे मागील सत्रात 415.89 लाख कोटी रुपयांवर बंद झाले होते. म्हणजेच आजच्या सत्रात गुंतवणूकदारांच्या संपत्तीत 7.67 लाख कोटी रुपयांची वाढ झाली आहे.
भारतीय रिझर्व्ह बँकेने शुक्रवारी पतधोरणाचा आढावा सादर केल्यानंतर शेअर बाजारात वाढ नोंदवण्यात आली. चालू आर्थिक वर्षात भारताचा जीडीपी 7.2 टक्के राहण्याचा आरबीआयच्या अंदाजानंतर, शेअर बाजारात 1600 पर्यंत वाढ झाली होती.
शुक्रवारी शेअर बाजारात आयटी कंपन्यांच्या शेअर्समध्ये मोठी वाढ दिसून आली. गौतम अदानी समूहाच्या 10 कंपन्यांपैकी 9 कंपन्यांचे शेअर्स तेजीत तर अदानी ग्रीन एनर्जी लिमिटेडचे शेअर्स किंचित घसरणीसह बंद झाले.
आजच्या सत्रात सर्वच क्षेत्रातील शेअर्स तेजीसह बंद झाले. आयटी बँकिंग, ऑटो, एफएमसीजी, कंझ्युमर ड्युरेबल्स, फार्मा, मेटल, ऊर्जा, आरोग्यसेवा, तेल आणि गॅस क्षेत्रातील शेअर्स वाढीसह बंद झाले.
बाजारात 3952 शेअर्सचे व्यवहार झाले ज्यात 2894 शेअर्स वाढीसह आणि 967 शेअर्स घसरणीसह बंद झाले. 353 वरच्या सर्किटवर आणि 166 लोअर सर्किटवर बंद झाले. सेन्सेक्समधील सर्व 30 शेअर्स तेजीसह बंद झाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.