सलग 2 दिवसांच्या विक्रीनंतर मंगळवारी शेअर बाजारात खरेदीची नोंद झाली. चांगल्या जागतिक संकेतांमुळे प्रमुख निर्देशांक तेजीसह बंद झाले. BSE सेन्सेक्स 275 अंकांनी वाढून 65,930 वर बंद झाला. निफ्टीने 89 अंकांची उसळी घेत 19,783 वर पोहोचला. बाजारातील खरेदीला मेटल, रियल्टी आणि फार्मा क्षेत्राचा पाठिंबा मिळाला.
विदेशी गुंतवणूकदारांनी केलेल्या खरेदीमुळे मंगळवारी शेअर बाजारात तेजी नोंदवण्यात आली असे शेअर बाजारातील तज्ज्ञांचे म्हणणे आहे. शेअर बाजारातील तेजीमध्ये एसबीआय लाइफ, एचडीएफसी लाइफ, अदानी एंटरप्रायझेस आणि जेएसडब्ल्यू स्टीलच्या शेअर्सनी वाढ नोंदविली तर कोल इंडिया लिमिटेड, ओएनजीसी, बीपीसीएल आणि एलटीआय माइंड ट्री यांच्या शेअर्समध्ये घसरण झाली.
आज सेन्सेक्समधील 30 पैकी 18 शेअर्स वाढीसह बंद झाले. यामध्येही JSW स्टीलच्या शेअर्समध्ये सर्वाधिक 1.76 टक्के वाढ झाली आहे. तर टाटा स्टील, टायटन, सन फार्मा आणि रिलायन्स इंडस्ट्रीज (RIL) चे शेअर्स वाढीसह बंद झाले.
आज सेन्सेक्सवर फक्त 12 शेअर्स घसरणीसह बंद झाले. यामध्ये NTPC चा शेअर सर्वात जास्त 0.66% घसरणीसह बंद झाला. तर टेक महिंद्रा, मारुती सुझुकी, स्टेट बँक ऑफ इंडिया (SBI) आणि लार्सन अँड टुब्रो (L&T) चे शेअर्स घसरणीसह बंद झाले.
BSE वर सूचीबद्ध कंपन्यांचे एकूण बाजार भांडवल आज 21 नोव्हेंबर रोजी 328.10 लाख कोटी रुपयांपर्यंत वाढले आहे, जे मागील ट्रेडिंग दिवशी म्हणजे सोमवार 20 नोव्हेंबर रोजी 327.35 लाख कोटी रुपये होते.
अशा प्रकारे, BSE मध्ये सूचीबद्ध कंपन्यांचे मार्केट कॅप आज सुमारे 75,000 कोटी रुपयांनी वाढले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 75,000 कोटी रुपयांची वाढ झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
