Share Market Closing: तीन दिवसानंतर शेअर बाजारात तेजी; सेन्सेक्समध्ये 300 अंकांची वाढला,'या' शेअर्समध्ये...

Share Market Closing 19 May 2023: आठवड्याच्या शेवटच्या व्यवहाराच्या दिवशी शेअर बाजारात तेजी दिसून आली. BSE सेन्सेक्स जवळपास 300 अंकांच्या वाढीसह 61,729 वर बंद झाला आहे.

निफ्टीही 73 अंकांनी वर चढून 18,200 च्या पुढे बंद झाला आहे. बाजारात आयटी शेअर्समध्ये तेजीत होते. टेक महिंद्राचा शेअर 2.2 टक्क्यांनी वाढला. NSE वरील निफ्टी आयटी निर्देशांक 1.25 टक्क्यांनी वाढून बंद झाला.

आयटी शेअर्समध्ये जोरदार खरेदी

सकाळी जोरदार सुरुवात होऊनही, बाजार इंट्राडेमध्ये 61,251 च्या नीचांकी पातळीवर घसरला होता. पण आशियाई आणि युरोपीय बाजारांमध्ये चांगले संकेतांमुळे सरतेशेवटी, बाजारातील हेवीवेट शेअर्सच्या खरेदीमुळे बाजार तेजीसह बंद झाला.

गुरुवारी सलग तिसऱ्या दिवशी बाजारात विक्रीची नोंद झाली. BSE सेन्सेक्स 128 अंकांनी घसरून 61,431 वर आणि निफ्टी 52 अंकांनी घसरून 18,129 वर बंद झाला.

आजच्या व्यवहारात बँकिंग, आयटी, ऑटो, मेटल्स, रिअल इस्टेट, एनर्जी, इन्फ्रा सेक्टरच्या शेअर्समध्ये वाढ दिसून आली. तर फार्मा, एफएमसीजी, कंझ्युमर ड्युरेबल्स, हेल्थकेअर, ऑइल आणि गॅस क्षेत्रातील शेअर्समध्ये घसरण झाली आहे.

स्मॉल कॅप आणि मिड कॅप निर्देशांकही तेजीसह बंद झाले आहेत. सेन्सेक्सच्या 30 शेअर्सपैकी 22 शेअर्स वाढीसह आणि 8 घसरणीसह बंद झाले, तर निफ्टीच्या 50 शेअर्सपैकी 30 शेअर्स वाढीसह आणि 20 शेअर्स घसरणीसह बंद झाले.

सेन्सेक्सच्या कोणत्या शेअर्समध्ये तेजी?

आजच्या व्यवहारात टाटा मोटर्स 3.22 टक्के, टेक महिंद्रा 2.30 टक्के, इन्फोसिस 1.84 टक्के, एचसीएल टेक 1.31 टक्के, महिंद्रा 1.04 टक्के, विप्रो 0.88 टक्के वाढीसह बंद झाले.

एनटीपीसी 1.06 टक्क्यांनी, एशियन पेंट्स 0.77 टक्क्यांनी, टायटन कंपनी 0.66 टक्क्यांनी आणि पॉवर ग्रिड 0.55 टक्क्यांनी घसरणीसह बंद झाले.

गुंतवणूकदारांच्या संपत्तीत वाढ:

आजच्या व्यवहाराच्या सत्रात बाजारातील तेजीमुळे गुंतवणूकदारांच्या संपत्तीत मोठी वाढ झाली आहे. BSE वर सूचीबद्ध कंपन्यांचे मार्केट कॅप वाढून रु. 276.59 लाख कोटी झाले आहे, जे गुरुवारी रु. 275.85 लाख कोटी होते. म्हणजेच आजच्या व्यवहारात गुंतवणूकदारांच्या संपत्तीत 74000 कोटी रुपयांची झेप घेतली आहे.