Share Market Closing: दोन दिवसांनी शेअर बाजारात तेजी; सेन्सेक्समध्ये 130 अंकांची वाढ, आयटी शेअर्सचे काय झाले?

बाजारातील प्रमुख निर्देशांक आज तेजीसह बंद झाले.
Share Market
Share MarketSakal
Updated on

Share Market Closing 12 June 2023: सलग दोन दिवसांच्या विक्रीनंतर सोमवारी शेअर बाजारात तेजीची नोंद झाली. बाजारातील प्रमुख निर्देशांक आज तेजीसह बंद झाले. BSE सेन्सेक्स 100 अंकांनी वाढून 62,724 वर बंद झाला.

त्याचप्रमाणे निफ्टीही 38 अंकांच्या तेजीसह 18,601 वर पोहोचला. बाजारातील तेजीत आयटी आणि रिअॅल्टी शेअर्समध्ये तेजी दिसून आली. निफ्टीमध्ये बीपीसीएल आणि एचसीएल टेक सर्वाधिक वाढले, तर पॉवरग्रीड शेअरला सर्वाधिक नुकसान झाले.

बाजारातील महत्त्वाच्या घडामोडी:

  • बाजारात अस्थिरतेमध्ये व्यापार

  • आयटी, रिअल इस्टेट, मेटल शेअर्स वाढले

  • भांडवली वस्तू, एफएमसीजी शेअर्स दबावाखाली

  • ओएमसी, ऑफशोअर ड्रिलिंग, विमा, जहाजबांधणीचे शेअर्स वधारले

  • मिड आणि स्मॉल कॅप शेअर्समध्ये मोठी वाढ

Share Market Closing 12 June 2023
Share Market Closing 12 June 2023Sakal

आजच्या व्यवहारात आयटी, ऑटो, एफएमसीजी, मेटल्स, रिअल इस्टेट, मीडिया, एनर्जी, कंझ्युमर ड्युरेबल्स, इन्फ्रा सेक्टरचे शेअर तेजीसह बंद झाले.

तर बँकिंग, फार्मा, हेल्थकेअर क्षेत्रातील शेअर्समध्ये घसरण झाली आहे. निफ्टीमधील 50 शेअर्सपैकी 33 शेअर्स वाढीसह बंद झाले तर 17 शेअर्स घसरून बंद झाले. तर सेन्सेक्समधील 30 शेअर्सपैकी 20 शेअर्स वधारले आणि 10 शेअर्स घसरले.

Share Market
Success Story: एकेकाळच्या वेटर आज चालवतायत 2 लाख कोटींची कंपनी, असा आहे भारतीय वंशाच्या CEOचा प्रवास

आजच्या व्यवहारात एचसीएल टेक 2.58 टक्के, इन्फोसिस 2.05 टक्के, एनटीपीसी 1.81 टक्के, महिंद्रा अँड महिंद्रा 1.26 टक्के, टीसीएस 1.17 टक्के वाढीसह बंद झाले.

पॉवर ग्रिड 1.29 टक्‍क्‍यांनी, लार्सन 1.04 टक्‍क्‍यांनी, मारुती सुझुकी 0.80 टक्‍क्‍यांनी, टायटन कंपनी 0.72 टक्‍क्‍यांनी घसरले.

गुंतवणूकदारांच्या संपत्तीत वाढ

आजच्या व्यवहारात बाजारातील तेजीमुळे गुंतवणूकदारांच्या संपत्तीत मोठी वाढ झाली आहे. BSE मधील सूचीबद्ध कंपन्यांचे मार्केट कॅप वाढून रु. 288.04 लाख कोटी झाले आहे.

जे मागील ट्रेडिंग सत्रात रु. 286.72 लाख कोटी होते. म्हणजेच आजच्या व्यवसायात गुंतवणूकदारांच्या संपत्तीत 1.32 लाख कोटी रुपयांची वाढ झाली आहे.

Share Market
Success Story : अन् त्याने शिक्षणासाठी डोंगरावर मात केली सचिनचा संघर्ष वाचायलाच हवा

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.