Share Market Today: बाजार सुरु होण्याआधी आज कोणत्या शेअर्समध्ये गुंतवणूक कराल? काय सांगतात तज्ज्ञ?

Share Market Investment Tips: बुधवारी भारतीय बेंचमार्क इंडेक्सने सलग पाचव्या सत्रात तेजी कायम राखली. सर्वच सेक्टरमधील खरेदीमुळे बाजारात तेजी दिसून आली.

बाजाराच्या शेवटी, सेन्सेक्स 302.30 अंकांनी अर्थात 0.45 टक्क्यांनी वाढून 67,097.44 वर बंद झाला. निफ्टी 83.90 अंकांनी म्हणजेच 0.42 टक्क्यांनी वाढून 19,833.20 वर बंद झाला.

आज कशी असेल बाजाराची स्थिती?

निफ्टी 19964-20000 च्या लेव्हलला स्पर्श करण्याचा प्रयत्न करू शकते असे शेअरखानचे जतिन गेडिया म्हणाले. डेली आणि आवर्ली मोमेंटम वेगवेगळे सिग्नल देत आहेत.

यामुळे शॉर्ट टर्म कंसोलिडेशन होऊ शकते. मात्र, त्याची एकूण रचना तेजीच्या बाजूने असल्याचे दिसत आहे. अशात 19740 - 19700 ची पातळी सपोर्ट झोन म्हणून काम करेल. तर 19964 - 20000 ची पातळी रझिस्टंसच्या रुपात काम करेल असे दिसत आहे.

बँक निफ्टी मागील ट्रेडिंग सत्राच्या (45906 - 45281) रेंजमध्ये कंसोलिडेट झाला. अशा प्रकारे एक इनसाईड बार पॅटर्न तयार होतो. बँक निफ्टीमध्ये वरच्या दिशेने ब्रेकआउटची होण्याची शक्यता आहे आणि बँक निफ्टीने 46500 पातळीला स्पर्श करण्याचा प्रयत्न करेल असे सध्याचे चित्र दिसत आहे.

आजचे टॉप 10 शेअर्स कोणते?

• एनटीपीसी (NTPC)

• बजाज फायनान्स (BAJFINANCE)

• इंडसइंड बँक (INDUSINDBK)

• अल्ट्राटेक सिमेंट (ULTRACEMCO)

• बजाज फिनसर्व्ह (BAJAJFINSV)

• पीएनबी (PNB)

• ऍस्ट्रल (ASTRAL)

• इंडियन हॉटेल (INDHOTEL)

• पर्सिस्टंट (PERSISTENT)

• हिंदुस्थान पेट्रोलियम (HINDPETRO)

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.