Share Market Today: आज शेअर बाजारात कोणत्या शेअर्समध्ये गुंतवणूक करावी? 'या' 10 शेअर्सवर ठेवा लक्ष

Share Market Investment Tips: सेन्सेक्स-निफ्टी गुरुवारी अस्थिर व्यवहारानंतर लाल रंगात बंद झाले. निफ्टी 19400 च्या खाली बंद झाला. व्यवहाराच्या शेवटी, सेन्सेक्स 143.41 अंक अर्थात 0.22 टक्क्यांच्या घसरणीसह 64,832.20 वर बंद झाला आणि निफ्टी 48.20 अंक म्हणजेच 0.25 टक्क्यांच्या घसरणीसह 19,395.30 वर बंद झाला.

आज कशी असेल बाजाराची स्थिती?

गुरुवारी निफ्टी थोडा घसरल्याचे एलकेपी सिक्युरिटीजचे रुपक डे म्हणाले. त्याला डेली टाईम फ्रेमवर मोठ्या मूव्हिंग एव्हरेजजवळ रझिस्टंसचा सामना करावा लागला. तेजीचा कल कमकुवत होण्याचे हे संकेत आहेच.

याशिवाय निफ्टी 21EMA च्या खाली घसरला जो तेजीचा प्रयत्न अयशस्वी होण्याचे लक्षण आहे. जोपर्यंत निफ्टी 19,500 च्या खाली राहील तोपर्यंत तो कमजोर राहील अशी शक्यता आहे. 19,500 पर्यंत विक्री होण्याची शक्यता आहे. खाली निफ्टीला 19,300 वर सपोर्ट आहे. हा सपोर्ट तुटल्यावर बाजारात करेक्शन दिसेल.

दुसरीकडे, निफ्टी बँक इंडेक्स दिवसभर बाजूला राहिला. इंडेक्सने 43,500 चा सपोर्ट कायम ठेवला पण 44,000 च्या महत्त्वपूर्ण रझिस्टंसपर्यंत पोहोचण्यात तो अयशस्वी ठरला. आता जोपर्यंत बँक निफ्टी 43,500 च्या वर राहील तोपर्यंत त्याचा कल पॉझिटीव्ह राहण्याची शक्यता आहे. त्याच वेळी, जर तो 43,500 च्या खाली घसरला तर तो 43,000-42,800 पर्यंत घसरेल.

आजचे टॉप 10 शेअर्स कोणते?

• अदानी एन्टरप्रायझेस (ADANIENT)

• हिंदुस्थान युनिलिव्हर (HINDUNILVR)

• अदानी पोर्ट्स (ADANIPORTS)

• टाटा कंझ्युमर (TATACONSUM)

• ओएनजीसी (ONGC)

• अशोक लेलँड (ASHOKLEY)

• ऍबॉट इंडिया (ABBOTINDIA)

• कमिन्स इंडिया (CUMMINSIND)

• भारतीय कंटेनर निगम (CONCOR)

• बालक्रिष्ण इंडस्ट्रीज (BALKRISIND)

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.