Share Market Opening on 17 March : आठवड्याच्या शेवटच्या दिवशी शुक्रवारी मजबूत जागतिक संकेतांच्या आधारे देशांतर्गत शेअर बाजार सलग दुसऱ्या दिवशी मजबूत स्थितीत जाण्याच्या मार्गावर आहेत.
बीएसई सेन्सेक्स आणि एनएसई निफ्टी या दोन्ही प्रमुख निर्देशांकांनी आज व्यापाराला चांगली सुरुवात केली. सत्र सुरू झाल्यानंतर अवघ्या काही मिनिटांतच वाढ दिसून आली.
सेन्सेक्स 58,000 आणि निफ्टी 17,100 या महत्त्वाच्या पातळीवर व्यवहार करत आहे. बाजाराच्या या तेजीमध्ये मेटल, आयटी, बँकिंगसह धातू शेअर्समध्ये तेजी आहे. INFOSYS आणि HCL TECH हे निफ्टीमध्ये टॉप गेनर्स आहेत. तर भारती एअरटेलचा शेअर सर्वाधिक तोट्यात आहे.
शेअर बाजारातील तेजीचे कारण :
जागतिक बाजारपेठेत मजबूत वाढ
डॉलर निर्देशांकात घसरण, रोखे उत्पन्नात वाढ
डॉलरच्या तुलनेत भारतीय रुपया मजबूत होत आहे
RIL, HCL TECH, SBI आणि इतर मोठे शेअर्स वधारले.
क्रेडिट सुईसमध्ये झालेली वाढ आणि ECB द्वारे व्याजदरात 50 बेसिस पॉईंट्सने केलेली वाढ हे जागतिक बाजारपेठेत तेजीचे मोठे कारण आहे.
परिणामी, DAX, CAC, FTSE 2% पर्यंत बंद झाले. फर्स्ट रिपब्लिक बँकेच्या शेअर्समध्ये मोठी घसरण झाल्यामुळे यूएस मार्केटमध्ये सपाट व्यवसाय आहे. तर आशियाई बाजारांमध्ये व्यवसाय जोरदार दिसत आहे.
टॉप-30 कंपन्यांची सुरुवात :
सेन्सेक्समध्ये फक्त सन फार्मा, भारती एअरटेल आणि टीसीएस या 03 कंपन्यांचे शेअर्स ओपनिंग ट्रेडमध्ये तोट्यात आहेत, तर उर्वरित 27 कंपन्यांचे शेअर्स नफ्यात आहेत.
इन्फोसिस आणि एचसीएल टेक 1.80 टक्क्यांनी वधारले आहेत. अल्ट्रा सिमेंट, टाटा स्टील, टाटा मोटर्स देखील सुरुवातीच्या व्यवहारात 1-1 टक्क्यांहून अधिक वाढले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
