.jpg?w=480&auto=format%2Ccompress&fit=max)
Share Market Opening Latest Update 23 July 2024: भारतीय शेअर बाजारांसाठी आजचा दिवस अत्यंत महत्त्वाचा असणार आहे. आज देशाचा सर्वसाधारण अर्थसंकल्प सादर होत आहे. याआधी शेअर बाजाराची सुरुवात तेजीसह झाली. सेन्सेक्स 200 हून अधिक अंकांनी वाढला. निफ्टी 70 अंकांच्या वर होता.
मिडकॅप निर्देशांकात 300 अंकांची चांगली वाढ होऊन सेन्सेक्स 222 अंकांच्या वाढीसह 80,724 वर उघडला. निफ्टी 70 अंकांनी वाढून 24,568 वर उघडला. बँक निफ्टी 231 अंकांनी वाढून 52,511 वर उघडला. अर्थमंत्री निर्मला सीतारामन केंद्रीय अर्थसंकल्प 2024 सकाळी 11 वाजता सादर करतील, ज्यामुळे रेल्वे, कृषी, इन्फ्रा आणि संरक्षण यासारख्या काही क्षेत्रांच्या शेअर्समध्ये हालचाल होऊ शकते.
सकाळी गिफ्ट निफ्टीमध्ये 42 अंकांची वाढ दिसून येत आहे. अमेरिकन फ्युचर्स मार्केटमध्ये व्यापारात थोडी घसरण आहे. याशिवाय काल यूएस बाजारातील आयटी शेअर्समध्ये झालेल्या हालचालींमुळे बाजाराने पुन्हा उसळी घेतली. युरोपीय बाजारातही तेजी दिसून आली.
आज देशांतर्गत शेअर बाजारात आयटी, ऑटो, बँकिंग, कृषी, एफएमसीजी यांसारख्या अनेक क्षेत्रांची नजर 2024-25 च्या अर्थसंकल्पावर आहे. अर्थमंत्री निर्मला सीतारामन यांच्यावर उद्योगांना पाठिंबा देण्याबरोबरच सामान्य करदात्यांच्या अपेक्षा पूर्ण करण्यासाठी दबाव आहे. याशिवाय त्या कोणत्या घोषणा करणार आहेत, ज्यामुळे शेअर बाजारातील गुंतवणूकदार खूश होतील, याचीही उत्सुकता आहे.
सुरुवातीच्या व्यवहारात निफ्टीच्या सर्वाधिक वाढणाऱ्या शेअर्समध्ये अल्ट्राटेक, एचडीएफसी लाइफ, आयशर मोटर्स, ग्रासिम इंडस्ट्रीज सारख्या शेअर्सचा समावेश होता. ओएनसीजी, श्रीराम फायनान्स, एचडीएफसी बँक, पॉवर ग्रिड सारख्या शेअर्समध्ये सुरुवातीच्या व्यवहारात घसरण होत आहे. बाजारात तेल आणि वायू क्षेत्रात घसरण दिसून येत आहे.
शेअर बाजार तेजीसह उघडले आणि बाजार उघडताच काही प्रमाणात विक्री दिसून आली. निफ्टीने 24550 ची पातळी कायम ठेवली आहे आणि त्याच्या आसपास व्यवहार होत आहे.
सुरुवातीच्या व्यवहारात निफ्टी एफएमसी क्षेत्रातही चांगली खरेदी दिसून येत आहे. अर्थसंकल्पीय भाषण सुरू होण्यापूर्वी बाजार दिशाहीन होऊ शकतो. यानंतर अर्थसंकल्पात महत्त्वाच्या मुद्द्यांवर घोषणा होत असल्याने बाजारात त्याचे पडसाद उमटतील.
22 जुलै 2024 रोजी, BSE वर सर्व शेअर्सचे एकूण मार्केट कॅप 4,48,32,227.50 कोटी रुपये होते. आज म्हणजेच 23 जुलै 2024 रोजी बाजार उघडताच ते 4,49,95,082.66 कोटी रुपयांवर पोहोचले. याचा अर्थ गुंतवणूकदारांच्या भांडवलात 1,62,855.16 कोटी रुपयांची वाढ झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.