Share Market Opening: शेअर बाजार आजही सुस्त; सेन्सेक्स 79,000च्या खाली, कोणते शेअर्स घसरले?

Share Market Opening Latest Update 14 August 2024: बुधवारी (14 ऑगस्ट) भारतीय शेअर बाजारांची सुस्त सुरुवात झाली. सुमारे 100 अंकांच्या वाढीसह सेन्सेक्स 79,000 च्या वर उघडला. निफ्टीही 35 अंकांच्या वाढीसह तर बँक निफ्टी 40 अंकांच्या वाढीसह उघडला.

बाजार उघडताच, निर्देशांकांनी नफा गमावला आणि सपाट व्यवहार केला. मिडकॅप आणि स्मॉलकॅप निर्देशांकातही थोडीशी घसरण दिसून आली. टेक महिंद्रा, टाटा मोटर्स, हिंदाल्को, एचसीएल टेक शेअर्समध्ये वाढ झाली.

सेन्सेक्सच्या शेअर्सची स्थिती

आज सेन्सेक्समधील 30 शेअर्सपैकी 18 शेअर्स वाढीसह तर 12 शेअर्स घसरणीसह व्यवहार करत आहेत. सेन्सेक्सच्या टॉप 5 शेअर्सपैकी 3 शेअर्स आयटी क्षेत्रातील आहेत आणि एचसीएल टेक 1.58 टक्के वाढीसह आघाडीवर आहे. टेक महिंद्रा 1.20 टक्क्यांनी वर आहे.

यानंतर M&M, SBI, Tata Motors आणि TCS यांना सर्वाधिक फायदा झाला आहे. घसरलेल्या शेअर्समध्ये अल्ट्राटेक सिमेंट सर्वाधिक घसरला असून अदानी पोर्ट्स, टाटा स्टील, आयसीआयसीआय बँकेसह एचयूएलचे शेअर्स घसरले आहेत.

निफ्टी शेअर्सची स्थिती

निफ्टीच्या 50 शेअर्सपैकी 27 शेअर्स वाढीसह व्यवहार करत आहेत आणि 23 शेअर्समध्ये घसरण होत आहे. सकाळच्या व्यवहारात, निफ्टीने 24196 चा उच्चांक गाठला आणि 2411 पर्यंत घसरला.

यामध्ये Hindalco, HCL Tech, M&M, Apollo Hospitals आणि Tech Mahindra यांच्या शेअर्समध्ये सर्वाधिक वाढ झाली आहे. सर्वात मोठी घसरण हीरो मोटोकॉर्प, डीव्हीज लॅब, अल्ट्राटेक सिमेंट, अदानी पोर्ट्स आणि अदानी एंटरप्रायझेसच्या शेअर्समध्ये दिसून येत आहे.

गुंतवणूकदारांच्या संपत्तीत 52.2 हजार कोटी रुपयांची घट

13 ऑगस्ट 2024 रोजी, BSE वर सर्व शेअर्सचे एकूण मार्केट कॅप 4,45,30,265.42 कोटी रुपये होते. आज म्हणजेच 14 ऑगस्ट 2024 रोजी बाजार उघडताच ते 4,45,82,529.81 कोटी रुपयांवर आले. याचा अर्थ गुंतवणूकदारांच्या भांडवलात 52,264.39 कोटी रुपयांची घट झाली आहे.