Share Market Opening Latest Update 28 May 2024: देशांतर्गत शेअर बाजारात मंगळवारी चांगली सुरुवात झाली आहे. सेन्सेक्स-निफ्टी वाढीसह उघडले. सेन्सेक्स 195 अंकांनी वाढून 75,585 वर उघडला आहे. निफ्टी 45 अंकांच्या वाढीसह 22,977 वर तर बँक निफ्टी 109 अंकांच्या वाढीसह 49,390 वर उघडला. हिंदाल्को, विप्रो, टिमकेन, नाल्को यांनी सर्वाधिक वाढ नोंदवली.
सेन्सेक्समधील 30 शेअर्सपैकी 20 शेअर्समध्ये वाढ तर 10 शेअर्स घसरत आहेत. अल्ट्राटेक सिमेंटचे शेअर्स टॉप गेनर आहेत आणि सुमारे 1 टक्क्यांनी वाढले आहेत. सन फार्मा 0.73 टक्के, टाटा स्टील 0.66 टक्के, एम अँड एम 0.59 टक्के आणि जेएसडब्ल्यू स्टील 0.53 टक्क्यांनी वर आहे. घसरलेल्या शेअर्समध्ये टेक महिंद्रा 0.73 टक्क्यांनी घसरत आहे. ITC सर्वात जास्त 0.60 टक्क्यांनी, पॉवर ग्रिड 0.42 टक्क्यांनी आणि IndusInd बँक 0.37 टक्क्यांनी खाली आहे.
शेअर बाजारातील तज्ज्ञांचे मत आहे की, सोमवारच्या कामकाजात बीएसई सेन्सेक्सने 76000 अंकांची पातळी गाठली आहे, ही शेअर बाजारासाठी उत्साहवर्धक बातमी आहे. मंगळवारी गिफ्ट निफ्टी 10 अंकांच्या घसरणीसह 23,022 अंकांच्या पातळीवर कार्यरत होता. निफ्टीतील वाढ कायम राहण्याची आशा तज्ज्ञांनी व्यक्त केली आहे.
मात्र, 1 जून रोजी एक्झिट पोलचे निकाल आणि जीडीपीचे आकडे शेअर बाजाराच्या कामकाजावर परिणाम होण्याची शक्यता आहे. या वर्षी सामान्य मान्सूनची बातमी कृषी उत्पादनाला मदत करेल आणि यामुळे देशाच्या आर्थिक विकासाला मदत होईल अशी अपेक्षा आहे.
50 निफ्टी शेअर्सपैकी 30 शेअर्स वाढत आहेत आणि 20 शेअर्स घसरत आहेत. सर्वात जास्त वाढ Divi's लॅबच्या शेअरमध्ये होत आहे जो सुमारे 3 टक्क्यांनी वाढला आहे. हिंदाल्को 1.84 टक्क्यांनी वर आहे. डॉ. रेड्डीज लॅबोरेटरीज 1.40 टक्क्यांनी, एचडीएफसी लाइफ 1.33 टक्क्यांनी आणि अल्ट्राटेक सिमेंट 1.29 टक्क्यांनी वाढले आहेत.
घसरलेल्या शेअर्समध्ये, अदानी पोर्ट्स 1.05 टक्क्यांनी घसरले आहेत आणि त्यासोबत कोल इंडिया 0.58 टक्क्यांनी, M&M 0.55 टक्क्यांनी, ITC 0.51 टक्क्यांनी आणि बजाज ऑटो 0.45 टक्क्यांनी घसरत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.