सोना मशिनरीचा (Sona Machinery) आयपीओ आजपासून खुला झाला आहे. कंपनीने या इश्यूमधून 51.82 कोटी उभारण्याची योजना आहे. हा आयपीओ 7 मार्चला बंद होईल आणि त्यानंतर 13 मार्चला एनएसई एसएमईवर शेअर्स लिस्ट होऊ शकतात. या आयपीओमध्ये फक्त 36.24 लाख नवीन शेअर्स जारी केले जातील. कंपनीने आपल्या आयपीओसाठी 136 ते 143 रुपये प्रति शेअर किंमत बँड निश्चित केला आहे. हेम सिक्युरिटीज लिमिटेडला बुक रनिंग लीड मॅनेजर म्हणून आणि माशितला सिक्युरिटीज प्रायव्हेट लिमिटेडला आयपीओसाठी रजिस्ट्रार म्हणून नियुक्त करण्यात आले.
सोना मशिनरी आयपीओमध्ये बोली लावण्यासाठी किमान लॉट साइज 1000 शेअर्स ठेवण्यात आला आहे. वासू नरेन आणि श्वेता बैसला हे कंपनीचे प्रमोटर्स आहेत. सध्या, कंपनीमध्ये प्रमोटर्सचा हिस्सा 100 टक्के आहे, जो आयपीओनंतर 73.59 टक्क्यांपर्यंत कमी होईल. आयपीओमधील 50 टक्के पात्र संस्थात्मक खरेदीदारांसाठी, 35 टक्के किरकोळ गुंतवणूकदारांसाठी आणि 15 टक्के गैर-संस्थागत गुंतवणूकदारांसाठी राखीव आहेत.
सोना मशिनरी 2019 मध्ये सुरू झाली. ही कंपनी कृषी यंत्रे तयार करते, ज्यामध्ये तांदूळ, कडधान्ये, गहू, मसाले आणि बार्नयार्ड बाजरीवर प्रोसेसिंगसाठीच्या मशीनरीचा समावेश होतो. ग्रेन प्री-क्लीनर मशीन्स, रोटरी ड्रम क्लीनर, व्हायब्रो क्लासिफायर, स्टोन सेपरेटर मशीन्स, पॅडी डी-हस्कर, हस्क ऍस्पिरेटर, राइस थिक/थिन ग्रेडर, राइस व्हाइटनर, सिल्की पॉलिशर, मल्टी ग्रेडर, लेन्थ ग्रेडर, बेल्ट कन्व्हेयर, बकेट लिफ्टही ही कंपनी बनवते. त्याची उत्पादनेही निर्यात केली जातात.
आयपीओमधून मिळणाऱ्या उत्पन्नापैकी 55 टक्के भांडवली खर्च गाझियाबादमध्ये नवीन मॅन्युफॅक्चरिंग युनिट स्थापन करण्यासाठी वापरला जाईल. 4 टक्के रक्कम मशिनरी खरेदीसाठी घेतलेल्या कर्जाची परतफेड करण्यासाठी वापरली जाईल आणि उर्वरित रक्कम सामान्य कॉर्पोरेट कारणांसाठी वापरली जाईल. गाझियाबादमध्ये प्लांट उभारण्यासाठी कंपनी अंदाजे 29 कोटी खर्च करणार आहे.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
