.jpg?w=480&auto=format%2Ccompress&fit=max)
सबस्क्राईब करा
Stock Market Crash: अमेरिकन अर्थव्यवस्थेतील मंदी आणि जागतिक शेअर बाजारात गोंधळाची स्थिती असताना भारतीय शेअर बाजार आज 5 ऑगस्टला उघडताच कोसळले. बीएसई सेन्सेक्स 2401.49 अंकांनी घसरून 78,580.46 वर पोहोचला. त्याच वेळी, NSE निफ्टीमध्ये 489.65 अंकांची घसरण झाली आणि तो 24,228.05 अंकांवर पोहोचला.
आज गुंतवणूकदारांना 17.03 लाख कोटी रुपयांचे नुकसान झाले आहे. कंपन्यांचे मार्केट कॅप 440.13 लाख कोटी रुपयांवर आले आहे. मागील सत्रात ते 457.16 लाख कोटी रुपयांवर होते.
आज शेअर बाजारात टाटा मोटर्स, अदानी पोर्ट्स, एम अँड एम, एसबीआय, जेएसडब्ल्यू स्टील आणि टायटन यांसारखे शेअर्स सेन्सेक्सवर 5.04% पर्यंत घसरले. सेन्सेक्समधील 30 शेअर्सपैकी 28 शेअर्स लाल रंगात व्यवहार करत होते.
46 निफ्टी शेअर्स लाल रंगात व्यवहार करत होते. टाटा मोटर्स, हिंदाल्को, ओएनजीसी, श्रीराम फायनान्स आणि जेएसडब्ल्यू स्टील या शेअर्सचे निफ्टीमध्ये सर्वाधिक नुकसान झाले, सुरुवातीच्या व्यवहारामध्ये हे शेअर्स 4.37% पर्यंत घसरले.
बीएसईवर 88 शेअर्सनी आज 52 आठवड्यांचा उच्चांक गाठला. दुसरीकडे, सोमवारी सुरुवातीच्या व्यवहारामध्ये बीएसईवर 42 शेअर्सनी 52 आठवड्यांची नीचांकी पातळी गाठली. आज 3,421 शेअर्सपैकी 394 शेअर्स हिरव्या रंगात व्यवहार करत होते. सुमारे 2891 शेअर्स लाल रंगात व्यवहार करत होते, तर 136 शेअर्समध्ये कोणताही बदल झाला नाही.
अमेरिकेतील बेरोजगारीच्या अहवालामुळे जगभरातील शेअर बाजारांच्या भावनांवर परिणाम झाला आहे. अहवालानुसार अमेरिकेत गेल्या महिन्यात 1.14 लाख नोकऱ्या निर्माण झाल्या. या नोकऱ्या अपेक्षेपेक्षा 35 टक्के कमी होत्या. गेल्या महिन्यात अमेरिकेतील बेरोजगारीचा दर 4.3 टक्क्यांवर पोहोचला आहे. हा बेरोजगारीचा दर ऑक्टोबर 2021 च्या तुलनेत सर्वाधिक आहे.
अमेरिकेतील मंदीची भीती सहम (Sahm Rule) नियमाशी संबंधित आहे. हा नियम म्हणतो की जर तीन महिन्यांचा सरासरी बेरोजगारीचा दर गेल्या 12 महिन्यांच्या किमान बेरोजगारीच्या दरापेक्षा 0.5 टक्के जास्त असेल तर मंदी येते. हा नियम अमेरिकेत 1970 पासून योग्य असल्याचे सिद्ध झाले आहे.
अमेरिकेचा शेअर बाजारात तंत्रज्ञान शेअर्सचे निर्देशांक मोजणारा NASADAQ निर्देशांक सुमारे 4 टक्क्यांनी घसरला आहे. त्याच वेळी, सेंट्रल बँक ऑफ अमेरिकाने व्याजदरात कपात केली नाही. आता ही कपात सप्टेंबरमध्ये होऊ शकते, कारण बेरोजगारी वाढत असल्याचे बोलले जात आहे.
कोविड-19 नंतर महागाई नियंत्रणात ठेवण्यासाठी जगभरातील मध्यवर्ती बँकांनी व्याजदर वाढवले जेणेकरून लोकांच्या हातातून पैसे काढून घेता येतील. कारण जेव्हा पैसे कमी असतील तेव्हा लोकांचा खर्चही कमी होईल. खर्च कमी केला तर महागाई नियंत्रणात राहील. पण असे केल्याने मंदी येण्याचीही भीती आहे.
चीन आणि युरोप देखील यावेळी मंदीशी झुंजत आहेत. जगभरात विविध कारणांमुळे निर्माण झालेल्या तणावामुळे बाजारावरील दबावही वाढत आहे. दरम्यान, इतर शेअर बाजारातही घसरण दिसून आली. जपानच्या NIKKEI निर्देशांकात 5.77 टक्क्यांची घसरण झाली आहे. TOPIX निर्देशांक 7.41 टक्क्यांनी घसरला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.