Share Market Closing Latest Update 13 February 2024: मंगळवारी शेअर बाजारात खरेदी झाली. बाजारातील प्रमुख निर्देशांक वाढीसह बंद झाले. मिश्र जागतिक संकेत आणि हेवीवेट शेअर्समध्ये जबरदस्त खरेदी झाली यामुळे बाजाराला पाठिंबा मिळाला.
यामुळे सेन्सेक्सने 482 अंकांची उसळी घेतली आणि 71,555 वर बंद झाला. निफ्टीही 127 अंकांनी वधारुन निर्देशांक 21,743 वर बंद झाला. बँकिंग, वित्तीय सेवा, तेल, गॅस, फार्मा आणि हेल्थकेअरमध्ये बाजारात सर्वाधिक खरेदी झाली.
निफ्टी बँक निर्देशांकात एक टक्क्यांहून अधिक वाढ झाली. आयशर मोटर्सने चालू आर्थिक वर्षाच्या तिसऱ्या तिमाहीचे निकाल जाहीर केले असून त्यांचा करानंतरचा नफा 34 टक्क्यांनी वाढून 996 कोटी रुपयांच्या पुढे गेला आहे. (Stock market Nifty 50, Sensex end higher; investors pocket nearly 2 lakh crore in a day)
क्षेत्रीय निर्देशांकाची स्थिती
मंगळवारी शेअर बाजारात खासगी बँकिंग शेअर्समध्ये मोठी वाढ दिसून आली. सेन्सेक्स आणि निफ्टीच्या वाढीसह, निफ्टी मिडकॅप 100, बीएसई स्मॉल कॅप, निफ्टी आयटी, निफ्टी बँक, निफ्टी फार्मा, निफ्टी एफएमसीजी आणि निफ्टी फायनान्शियल सर्व्हिसेसमध्ये वाढ झाली. निफ्टी ऑटो निर्देशांक किंचित घसरणीसह बंद झाला.
कोणते शेअर्स वाढले?
शेअर बाजारातील टॉप गेनर्समध्ये कोल इंडिया, यूपीएल, ॲक्सिस बँक, आयसीआयसीआय बँक, एचडीएफसी लाइफ, एसबीआय लाइफ आणि विप्रोचे शेअर्स होते, तर शेअर बाजारातील सर्वाधिक नुकसान झालेल्यांमध्ये हिंदाल्को, ग्रासिम इंडस्ट्रीज, अल्ट्राटेक सिमेंट, महिंद्रा अँड महिंद्रा, Divi's Labs, BPCL आणि Titan चे शेअर्स होते.
कोणते शेअर्स 52 आठवड्यांच्या उच्चांकावर?
अपोलो हॉस्पिटल, सिप्ला, बजाज ऑटो, रिलायन्स इंडस्ट्रीज आणि डॉ. रेड्डीज लॅबचे शेअर्स 52 आठवड्यांच्या उच्चांकावर पोहोचले. पेटीएम, ओरिएंट इलेक्ट्रिक, राजेश एक्सपोर्ट, पॉलीप्लेक्स, विनती ऑरगॅनिक्स, दीपक फर्टिलायझर्स आणि वेदांत फॅशन यांचे शेअर्स 52 आठवड्यांच्या नीचांकी पातळीर होते.
गुंतवणूकदारांनी कमावले 1.96 लाख कोटी
12 फेब्रुवारी 2024 रोजी, BSE वर कंपन्यांचे मार्केट कॅप रुपये 3,78,84,837.13 कोटी होते. आज म्हणजेच 13 फेब्रुवारी 2024 रोजी ते 3,80,80,864.70 कोटी रुपयांवर पोहोचले. याचा अर्थ आज गुंतवणूकदारांच्या भांडवलात 1.96 लाख कोटी रुपयांची वाढ झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
